ମୁମ୍ବାଇ: ଆୟକର ବିଭାଗ ଦ୍ବାରା ଲୋକପ୍ରିୟ ନିର୍ମାତା ଅନୁରାଗ କଶ୍ୟପ, ବିକାଶ ବହଲ ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ଏବଂ ଅନ୍ୟ କିଛି ଷ୍ଟାର୍ସଙ୍କ ବାସଭବନରେ ଚଢାଉ କରାଯାଇଥିଲା। ଟିକସ ଫାଙ୍କିବା ମାମଲାରେ ଏହି ଚଢାଉ କରାଯାଇଛି। ଯାହାର ଯାଞ୍ଚ ଏଯାବତ ଚାଲିଛି । ସେମାନଙ୍କ ଘର ଏବଂ ଅଫିସରେ ଚାଲିଛି ଆଇଟିର ସର୍ଚ୍ଚ ଅପରେସନ୍। ଇତିମଧ୍ୟରେ ତାଙ୍କୁ ନେଇ କଡା କଥା କହିଛନ୍ତି କଙ୍ଗନା ରଣାୱତ । ସୁଯୋଗକୁ ହାତ ଛଡା ନକରି କଙ୍ଗନା ସୋସିଆଲ ମିଡିଆରେ ଏମାନଙ୍କ ବିଷୟରେ ବିବାଦୀୟ ପ୍ରତିକ୍ରିୟା ରଖିଛନ୍ତି ।
ଅନୁରାଗ ଓ ତାପସୀଙ୍କ ଏହି ଖବରର ଏକ ଲିଙ୍କ୍ ସେୟାର କରିଛନ୍ତି କଙ୍ଗନା । ଯେଉଁଥିରେ କୁହାଯାଇଛି ଯେ, ଚଢାଉ ସମୟରେ ଆୟକର ବିଭାଗକୁ 650 କୋଟି ଟଙ୍କା କାରବାର ବିଷୟରେ ଜଣାପଡିଛି। ଏହା ପୂର୍ବରୁ 350 କୋଟି ଟଙ୍କାର କାରବାରରେ ବିଶୃଙ୍ଖଳା ଦେଖାଦେଇଥିଲା।