ଅଦାଙ୍କ ଦାବି, କୋଭିଡ-19 ପରେ ଲୋକେ ବୁଝିପାରିବେ ନିଜ ଦାୟିତ୍ବ

ନିଜର ଏକ ବୟାନକୁ ନେଇ ଚର୍ଚ୍ଚାରେ ଅଭିନେତ୍ରୀ ଅଦା ଶର୍ମା । କୋରୋନା ମହାମାରୀ ପରେ ଲୋକଙ୍କ ମଧ୍ୟରେ ଅନେକ ପରିବର୍ତ୍ତନ ଦେଖାଯିବ ବୋଲି କହିଛନ୍ତି ସେ...

ମୁମ୍ବାଇ: ସେକ୍ସି ଅଭିନେତ୍ରୀ ଅଦା ଶର୍ମା ଫିଲ୍ମ ଅପେକ୍ଷା ସୋସିଆଲ ମିଡିଆରେ ଫ୍ୟାନ୍ସଙ୍କୁ ମନୋରଞ୍ଜନ କରନ୍ତି । ଲକଡାଉନରେ ଘରେ ବନ୍ଦ ଥିବା ଅଦା ସୋସିଆଲ ମିଡିଆରେ ନିଜର ଯୋଗ, ଡାନ୍ସ, ଷ୍ଟଣ୍ଟ ଭିଡିଓ ସେୟାର କରି ଫ୍ୟାନ୍ସଙ୍କ ସହ କନେକ୍ଟ ରହିଆସୁଛନ୍ତି । ଏବେ ସେ କୋରୋନା ଭାଇରସକୁ ନେଇ ନିଜ ପ୍ରତିକ୍ରିୟା ରଖିଛନ୍ତି ।

ତାଙ୍କ ଅନୁଯାୟୀ କୋରୋନା ମହାମାରୀ ପରେ ଯେବେ ସବୁ କିଛି ଠିକ୍ ହୋଇଯିବ ତେବେ ସମସ୍ତେ ନିଜ ଦାୟିତ୍ବ ବୁଝିପାରିବେ । ଆଉ ସମସ୍ତଙ୍କ ସୁରକ୍ଷା ପାଇଁ ଆବଶ୍ୟକ ସାବଧାନତା ପାଳନ କରିବେ ।

ପ୍ରକାଶ ଥାଉକି ଏମଏକ୍ସ ପ୍ଲେୟାରରେ ନିକଟରେ ଷ୍ଟ୍ରିମିଂ ହୋଇଥିବା ଅଦାଙ୍କ ଫେମସ ୱେବ ସିରିଜ ‘ହଲିଡେଜ’।ଯାହା 4 ବନ୍ଧୁଙ୍କ କାହାଣୀକୁ ନେଇ ଆଧାରିତ । ଅଦାଙ୍କ ସହ ଏହି ସିରିଜରେ ଆସୀମ ଗୁଲାଟି, ପ୍ରିୟଙ୍କ ଶର୍ମା, ବୀର ରାଜୱାନ୍ତ ସିଂ, ନତାଶା ଷ୍ଟାନକୋଭିକ ଓ ସାରା ଅଞ୍ଜୁଲ ନଜର ଆସିଥିଲେ ।