କୋରୋନା ରୋଗୀଙ୍କ ସେବାରେ କରନ, ଦାନ କଲେ ଆବଶ୍ୟକୀୟ ଜିନିଷ

କରନ କୁନ୍ଦ୍ରାଙ୍କୁ ନେଇ ସାମ୍ନାକୁ ଆସିଲା ନୂଆ ଖବର । ଉଦୟ ଫାଉଣ୍ଡେସନ ସହ ହାତ ମିଶାଇ କୋରୋନା ରୋଗୀଙ୍କ ସେବାରେ ଲାଗିପଡିଛନ୍ତି ଅଭିନେତା । ଅଧିକ ପଢନ୍ତୁ...

ମୁମ୍ବାଇ: ଟିଭି ଏବଂ ବଲିଉଡ ଅଭିନେତା କରନ କୁନ୍ଦ୍ରା ସେହି ସେଲିବ୍ରିଟିଙ୍କ ମଧ୍ୟରେ ଅନ୍ୟତମ । ଯିଏ ଦେଶର ଏହି ଘଡିସନ୍ଧି ମୁହୂର୍ତ୍ତରେ ଦେଶବାସୀଙ୍କ ସେବା କରିବାକୁ ସବୁବେଳେ ଆଗେଇ ଆସୁଛନ୍ତି । କୋରୋନା କାଳରେ ସେ ଦେଶବାସୀଙ୍କୁ ସାହାଯ୍ୟ ଓ ସହଯୋଗର ହାତ ବଢାଇଛନ୍ତି । ସେ କୋରୋନା ରୋଗୀଙ୍କ ପାଇଁ ଅକ୍ସିମିଟର ଏବଂ ଅନ୍ୟାନ୍ୟ ଔଷଧ ଦାନ କରିଛନ୍ତି ।

ଏହି ମହାନ କାର୍ଯ୍ୟ ପାଇଁ ସେ ଉଦୟ ଫାଉଣ୍ଡେସନ ସହ ହାତ ମିଶାଇଛନ୍ତି । ସେହିପରି ଏହା ବିଷୟରେ ସେ ଆଲୋଚନା କରି କହିଛନ୍ତି, ‘ଉଦୟ ଫାଉଣ୍ଡେସନ ବିଷୟରେ ଜାଣିବା ମାତ୍ରେ ଆମେ ଜାଣିବାକୁ ପାଇଲୁ ଯେ ସେମାନେ ପ୍ରକୃତରେ ଭଲ କାର୍ଯ୍ୟ କରୁଛନ୍ତି । ଏଥିପାଇଁ ମୁଁ ସାମ୍ନାକୁ ଆସି ସହଯୋଗ କରିବାକୁ ନିଷ୍ପତ୍ତି ନେଲି ।’

ପ୍ରକାଶ ଥାଉକି ଉଦୟ ଫାଉଣ୍ଡେସନ ସହ ମିଶି କରନ କୋଭିଡ ରୋଗୀଙ୍କ ପାଇଁ ସୁସ୍ଥତା କିଟ୍, ଔଷଧ ଏବଂ ଅକ୍ସିମିଟର ବଣ୍ଟନ କରିଥିଲେ । ​​ଯାହା ଦ୍ବାରା ଲୋକେ କ୍ରମାଗତ ଭାବରେ ଘରେ ଅମ୍ଳଜାନ ସ୍ତର ଯାଞ୍ଚ କରିପାରିବେ ।