ମୁମ୍ବାଇ: ଆଜି ଶାହିଦ କପୁରଙ୍କ 40ତମ ଜନ୍ମଦିନ । 1981 ଫେବୃଆରୀ 25ରେ ଦିଲ୍ଲୀରେ ଜନ୍ମ ହୋଇଥିଲେ ଶାହିଦ । ଯାହାଙ୍କୁ ବଲିଉଡରେ କୌଣସି ପରିଚୟର ଆବଶ୍ୟକ ନାହିଁ। ତାଙ୍କ ଅଭିନୟ ହିଁ ଆଜି ତାଙ୍କ ପରିଚୟ। ଜନ୍ମଦିନ ଅବସରରେ ସୋସିଆଲ ମିଡିଆରେ ଛୁଟୁଛି ଶୁଭେଚ୍ଛାର ସୁଅ । ହେଲେ ସ୍ପେଶାଲ ମେସେଜ ଜରିଆରେ ବଡ ଭାଇଙ୍କୁ ଶୁଭେଚ୍ଛା ଜଣାଇଛନ୍ତି ସାନ ଭାଇ ତଥା ଅଭିନେତା ଇଶାନ ଖଟ୍ଟର ।
ସେ ଇନଷ୍ଟାଗ୍ରାମରେ ଶାହିଦଙ୍କ ସହ ନିଜର ପୁରୁଣା ଏବଂ ନୂଆର ଦୁଇଟି ଫଟୋ ପୋଷ୍ଟ କରିଛନ୍ତି । ଗୋଟିଏ ଫଟୋରେ ଇଶାନଙ୍କୁ ଶାହିଦଙ୍କ କୋଳରେ ଦେଖିବାକୁ ମିଳୁଥିବା ବେଳେ ଅନ୍ୟପଟେ ଦୁଇ ଭାଇ ବ୍ଲାକ୍ ଆଉଟଫିଟରେ ବସିଥିବାର ନଜର ଆସୁଛନ୍ତି ।