ଖ୍ରୀଷ୍ଟମାସରେ ଆମୀରଙ୍କ ‘ଲାଲ ସିଂ ଚଡ୍ଡା’

ଘୋଷଣା ହେଲା ବହୁ ଚର୍ଚ୍ଚିତ ଫିଲ୍ମ ‘ଲାଲ ସିଂ ଚଡ୍ଡା’ର ରିଲିଜ ତାରିଖ। ସୋସିଆଲ ମିଡିଆରେ ସୂଚନା ଦେଲେ ଫିଲ୍ମ ମେକର୍ସ। ଫିଲ୍ମରେ ଆମୀରଙ୍କ ସହ ମୁଖ୍ୟ ଭୂମିକାରେ ନଜର ଆସିବେ କରୀନା କପୁର ଖାନ।

ମୁମ୍ବାଇ: ମିଷ୍ଟର ପରଫେକ୍ସନିଷ୍ଟ ଆମୀର ଖାନ ଖୁବଶୀଘ୍ର ଦର୍ଶକଙ୍କୁ ନିଜର ଚର୍ଚ୍ଚିତ ଫିଲ୍ମ ‘ଲାଲ ସିଂ ଚଡ୍ଡା’ର ଭେଟି ଦେବାକୁ ଯାଉଛନ୍ତି। ଦୀର୍ଘ ସମୟରୁ ଏହି ଫିଲ୍ମର ଚର୍ଚ୍ଚା ଦର୍ଶକଙ୍କ ଏକ୍ସାଇଟମେଣ୍ଟ ମଧ୍ୟ ବଢାଇ ଦେଇଛି। ‘ଲାଲ ସିଂ ଚଡ୍ଡା’ ହଲିଉଡ ସୁପରହିଟ୍ ଫିଲ୍ମ ‘ଫରେଷ୍ଟ ଗମ୍ପ’ର ହିନ୍ଦୀ ରିମେକ ଫିଲ୍ମ। ଏହି ଫିଲ୍ମର ଘୋଷଣା ଆମୀର ନିଜ 54ତମ ଜନ୍ମଦିନରେ କରି ଫ୍ୟାନ୍ସଙ୍କୁ ସରପ୍ରାଇଜ ଦେଇଥିଲେ।

ଇତିମଧ୍ୟରେ ଫିଲ୍ମ ମେକର୍ସ ଫିଲ୍ମର ରିଲିଜ ତାରିଖ ଘୋଷଣା କରି ଟ୍ବିଟରରେ ଫିଲ୍ମର ନୂଆ ଟିଜର ଭିଡିଓ ସେୟାର କରିଛନ୍ତି। ଯେଉଁଥିରେ ଫିଲ୍ମଟି ଆସନ୍ତା ବର୍ଷ ଖ୍ରୀଷ୍ଟମାସରେ ରିଲିଜ ହେବ ବୋଲି ଦେଖିବାକୁ ମିଳୁଛି। ‘ଲାଲ ସିଂ ଚଡ୍ଡା’ର ନିର୍ଦ୍ଦେଶନା ଆମୀରଙ୍କ ପୂର୍ବତନ ନିର୍ଦ୍ଦେଶକ ଅଦଭୈତ ଚନ୍ଦନ କରୁଛନ୍ତି।

ଅନ୍ୟପଟେ ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରରେ ଫିଲ୍ମର ଟିଜର ଭିଡିଓ ସେୟାର କରିଛନ୍ତି । ଦୀର୍ଘ ସମୟ ପରେ ଆମୀରଙ୍କ ସହ ଫିଲ୍ମରେ ପୁଣି ରୋମାନ୍ସ କରୁଥିବାର ନଜର ଆସିବେ ବେବୋ କରୀନା କପୁର ଖାନ । ଏହାପୂର୍ବରୁ ଦୁଇଜଣ ‘ତଲାସ’ ଏବଂ ‘3 ଇଡିୟଟ୍ସ’ରେ ଏକାଠି କାମ କରିଥିଲେ ।

ଆମୀରଙ୍କ ଏହି ଫିଲ୍ମର ସୁଟିଂ ପାଖାପାଖି ଭାରତର 100ଟି ସ୍ଥାନରେ କରାଯିବ । ଏହା ହିନ୍ଦୀ ସିନେମାର ପ୍ରଥମ ଫିଲ୍ମ ଯାହା ଭାରତର 100ଟି ସ୍ଥାନରେ ସୁଟ ହେବ । ଏହାପୂର୍ବରୁ କୌଣସି ଫିଲ୍ମ ଏତେ ସ୍ଥାନରେ ସୁଟ ହୋଇନାହିଁ ।