‘ଲାଲ ସିଂ ଚଡ୍ଡା’ ଉପରେ କୋରୋନା ଗ୍ରହଣ !

କୋରୋନା ପ୍ରକୋପକୁ ଦୃଷ୍ଟିରେ ରଖି ଫିଲ୍ମ ମେକର୍ସ ନିଜ ନିଜ ଫିଲ୍ମ ରିଲିଜ ତାରିଖ ପରିବର୍ତ୍ତନ କରିବାରେ ଲାଗିଛନ୍ତି। ଏବେ ଏହି କ୍ରମରେ ସାମିଲ ହୋଇଛି ବହୁ ପ୍ରତିକ୍ଷିତ ଫିଲ୍ମ ‘ଲାଲ ସିଂ ଚଡ୍ଡା’। ଅଧିକ ପଢ଼ନ୍ତୁ...

ମୁମ୍ବାଇ: କୋରୋନା ଭାଇରସ ପାଇଁ ଫିଲ୍ମ ଇଣ୍ଡଷ୍ଟ୍ରୀ ଖୁବ୍ ପ୍ରଭାବିତ ହୋଇଛି। ଲକଡାଉନ ପୂର୍ବରୁ ଅନେକ ଫିଲ୍ମର ସୁଟିଂ ରଦ୍ଦ କରାଯାଇଥିଲା। ଏହାସହ ଏବର୍ଷର ବଡ ଫିଲ୍ମ ଗୁଡିକ ରିଲିଜକୁ ବର୍ତ୍ତମାନ ସ୍ଥଗିତ ରଖାଯାଇଛି । ଏହି କ୍ରମରେ ଅକ୍ଷୟ କୁମାରଙ୍କ ଫିଲ୍ମ ‘ସୂର୍ଯ୍ୟବଂଶୀ’ ଓ ରଣବୀର ସିଂ ‘83’ ସାମିଲ ଅଛି। ସେହିପରି ଖ୍ରୀଷ୍ଟମାସରେ ରିଲିଜ ହେବାକୁ ଯାଉଥିବା ଆମୀର ଖାନଙ୍କ ଚର୍ଚ୍ଚିତ ଫିଲ୍ମ ‘ଲାଲ ସିଂ ଚଡ୍ଡା’କୁ ନେଇ ନୂଆ ଖବର ସାମ୍ନାକୁ ଆସିଛି । ଯାହା ଶୁଣି ହୁଏତଃ ନିରାଶ ହୋଇପାରନ୍ତି ଦର୍ଶକ।

ଆଜ୍ଞା ହଁ, ଫିଲ୍ମଟିକୁ କୋରୋନା ଭାଇରସ ପାଇଁ ଆସନ୍ତା ବର୍ଷ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ । ‘ଲାଲ ସିଂ ଚଡ୍ଡା’ ରାଇଟର ଅତୁଲ କୁଲକର୍ଣ୍ଣୀ ସୂଚନା ଦେଇଛନ୍ତି କହିଛନ୍ତି ଯେ ଡିସେମ୍ବର ପରିବର୍ତ୍ତେ ଆସନ୍ତା ବର୍ଷ ଫିଲ୍ମ ରିଲିଜ କରିବାକୁ ଯୋଜନା କରାଯାଇଛି ।

ପ୍ରକାଶ ଥାଉକି ଆମୀରଙ୍କ ଏହି ଫିଲ୍ମଟି ହଲିଉଡର ଫେମସ ‘ଫରେଷ୍ଟ ଗମ୍ପ’ର ହିନ୍ଦୀ ରିମେକ । ଫିଲ୍ମରେ ଆମୀରଙ୍କ ସହ ପୁଣିଥରେ ରୋମାନ୍ସ କରୁଥିବାର ନଜର ଆସିବେ ବି-ଟାଉନର ବେବୋ କରୀନା କପୁର ଖାନ।