ମୁମ୍ବାଇ: ପାଖାପାଖି 8 ମାସ ହେଲା ନ୍ୟୁୟର୍କରେ ଚିକିତ୍ସତ ହେଉଥିବା ଅଭିନେତା ଋଷି କପୁର ଧୀରେ ଧିରେ ସୁସ୍ଥ ହେବାରେ ଲାଗିଛନ୍ତି । ତାଙ୍କ ଭଲମନ୍ଦ ଜାଣିବା ପାଇଁ ବି-ଟାଉନର ଅନେକ କଳାକାର ତାଙ୍କୁ ସାକ୍ଷାତ କରିବାକୁ ନ୍ୟୁୟର୍କର ଯାତ୍ରା କରିସାରିଲେଣି । ଖାଲି ବଲିଉଡ ନୁହେଁ ପାକିସ୍ତାନୀ ଅଭିନେତ୍ରୀ ମଧ୍ୟ ତାଙ୍କୁ ସାକ୍ଷାତ କରିବାକୁ ନିକଟରେ ନ୍ୟୁୟର୍କ ଯାଇଥିଲେ ।
ଏବେ ତାଙ୍କ ହାଲଚାଲ ଜାଣିବା ପାଇଁ ବଚ୍ଚନ ପରିବାର ମଧ୍ୟ ନ୍ୟୁୟର୍କରେ ପହଞ୍ଚିଯାଇଛନ୍ତି । ଐଶ୍ଚର୍ଯ୍ୟା ରାୟ ବଚ୍ଚନ ସ୍ବାମୀ ଅଭିଷେକ ବଚ୍ଚନ ଓ ଝିଅ ଆରାଧ୍ୟା ବଚ୍ଚନଙ୍କ ସହ ଋଷିଙ୍କୁ ସାକ୍ଷାତ କରିବାକୁ ଯାଇଛନ୍ତି ।
ଅନ୍ୟପଟେ ସେଠାରେ ପୂର୍ବରୁ ଋଷିଙ୍କ ଝିଅ ରିଦ୍ଧିମା ଏବଂ ରଣବୀର କପୁର ଉପସ୍ଥିତ ଥିଲେ । ଆଉ ଯେଉଁଠାରେ ରଣବୀର ଥିବେ ସେଠାରେ ତାଙ୍କ ଗାର୍ଲଫ୍ରେଣ୍ଡ ତଥା ଅଭିନେତ୍ରୀ ଆଲିୟା ଭଟ୍ଟ ନଥିବେ ଏହା କେବେ ହୋଇଛି ନା ହେବ । ପୁରା କପୁର ପରିବାର ସହ ଆଲିୟା ମଧ୍ୟ ନ୍ୟୁୟର୍କରେ ଏହି ସମୟରେ ଅଛନ୍ତି ।