ମୁମ୍ବାଇ: କୋରୋନା ଭାଇରସ ପ୍ରକୋପରେ ସାରା ବିଶ୍ବ । ଭାରତରେ ମଧ୍ୟ 96 ହଜାରରୁ ଅଧିକ ସଂକ୍ରମିତ ହୋଇସାରିଲେଣି । ଏହାକୁ ଦୃଷ୍ଟିରେ ରଖି ସୋମବାରଠୁ ଦେଶରେ ଲକଡାଉନର ଚତୁର୍ଥ ପର୍ଯ୍ୟାୟ ଆରମ୍ଭ ହୋଇଛି । ଏମିତି ପରିସ୍ଥିତିରେ ଦେଶବାସୀଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡୁଛି । ଏହି କଠିନ ପରିସ୍ଥିତିରେ ଦେଶର ଦୃଢ ଶକ୍ତିକୁ ବଢାଇବା ପାଇଁ ଲୋକପ୍ରିୟ ଗାୟକ-ଗାୟିକା ଏକ ଗୀତ ପ୍ରସ୍ତୁତ କରିଛନ୍ତି । ଯାହାର ଟାଇଟଲ ରହିଛି ‘ଜୟତୁ ଭାରତମ ।’
ଗୀତଟିକୁ 211 ଜଣ ଗାୟକ-ଗାୟିକା ମିଶି ଗାଇଛନ୍ତି । ସ୍ବର ସାମ୍ରାଜ୍ଞୀ ଲତା ଏହାକୁ ନେଇ ଏକ ଟ୍ବିଟ କରିଛନ୍ତି । ଆଉ ଟ୍ବିଟରେ ଲେଖିଛନ୍ତି, ‘ନମସ୍କାର ଆମର ଆଇଏସଆରଏ ବହୁତ ଗୁଣି 211 କଳାକାର ଏକଜୁଟ ହୋଇ ଆତ୍ମନିର୍ଭର ଭାରତ ଭାବନାରୁ ପ୍ରେରଣା ପାଇ ଏହି ଗୀତ ନିର୍ମାଣ କରିଛନ୍ତି । ଯାହାକୁ ଭାରତର ଜନତାଙ୍କ ସହ ଆମର ପିଏମ ମୋଦିଙ୍କୁ ଏହା ସମର୍ପଣ କରୁଛୁ । ଜୟତୁ ଭାରତମ ।’