ହାଇଦ୍ରାବାଦ:ଏକ ସମୟ ଥିଲା ଯେତେବେଳେ ଘରେ କେବଳ ହଳଦିଆ ରଙ୍ଗର ବଲବ ବ୍ୟବହାର କରାଯାଉଥିଲା। କିନ୍ତୁ ଟେକ୍ନୋଲୋଜିର ସ୍ତର ବଢିବା ସହିତ ବୈଜ୍ଞାନିକମାନେ CFL ନାମକ ଏକ ନୂତନ ପ୍ରକାରର ବଲବ ଉଦ୍ଭାବନ କଲେ ଯାହାକୁ କମ୍ପାକ୍ଟ ଫ୍ଲୋରୋସେଣ୍ଟ୍ ଲ୍ୟାମ୍ପ ମଧ୍ୟ କୁହାଯାଏ। ଏହାର ଆଲୋକ ଧଳା, ଯାହାରି ସାମାନ୍ୟ ନୀଳ ରଙ୍ଗ ମଧ୍ୟ ଥାଏ। ଯେତେବେଳେ ଏହି ଲାଇଟରୁ ରାତିରେ ଲଗାଯାଏ ତେବେ ଏହା ଦିନ ଭଳି ଆଲୋକ ପ୍ରଦାନ କରିଥାଏ। ଏହାସହିତ ଏହା ହଳଦିଆ ବଲବ ତୁଳନାରେ କମ୍ ବିଦ୍ୟୁତ୍ ଖର୍ଚ୍ଚ ହୋଇଥାଏ। ଏହି କାରଣରୁ ସରକାର ମଧ୍ୟ ଏହାକୁ ପ୍ରୋତ୍ସାହିତ କରିଥିଲେ। କିନ୍ତୁ କଥାରେ ଅଛି ସବୁକିଛିର ଦୁଇଟି ପାର୍ଶ୍ୱ ଅଛି, ଗୋଟିଏ ପଟେ ଏହି CFL ର ଅନେକ ସୁବିଧା ଅଛି ଏବଂ ଅନ୍ୟ ପଟେ ଏହାର ମଧ୍ୟ ଅସୁବିଧା ଅଛି। କେତେକ ଅନୁସନ୍ଧାନରୁ ଜଣାପଡିଛି ଯେ ଏହାର ଆଲୋକ ମଣିଷ ମଧ୍ୟରେ କର୍କଟ ଭଳି ସମସ୍ୟା ସୃଷ୍ଟି କରୁଛି।
କଣ କହେ ରିସର୍ଚ୍ଚ:ଇସ୍ରାଏଲର ହଫିଫା ବିଶ୍ୱବିଦ୍ୟାଳୟର ଜୀବବିଜ୍ଞାନର ପ୍ରଫେସର ଆବ୍ରହାମ ହାଇମଙ୍କ ଏକ ଅନୁସନ୍ଧାନ ରିପୋର୍ଟ 'କ୍ରୋନୋବାୟୋଲୋଜି ଇଣ୍ଟରନ୍ୟାସନାଲ' ନାମରେ ଏକ ପତ୍ରିକା ପ୍ରକାଶ ପାଇଛି। ଏହି ରିପୋର୍ଟରେ ପ୍ରଫେସର ଆବ୍ରାହମ ହାଇମ କହିଛନ୍ତି ଯେ ଯେତେବେଳେ CFL ରୁ ବାହାରୁଥିବା ନୀଳ ଆଲୋକ ଆମ ଶରୀର ଉପରେ ପଡେ, ଏହା ଆମ ଶରୀରରେ ଉତ୍ପାଦିତ ମେଲାଟୋନିନ୍ ନାମକ ହରମୋନ୍ ହ୍ରାସ କରିବା ଆରମ୍ଭ କରିଥାଏ। ବାସ୍ତବରେ, ମେଲାଟୋନିନ୍ ହେଉଛି ହରମୋନ୍ ଯାହା ମହିଳାମାନଙ୍କୁ ସ୍ତନ କର୍କଟରୁ ରକ୍ଷା କରିଥାଏ। ଉକ୍ତ ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ରାତିରେ CFL ବଲବ ସହିତ ଶୋଇଥିବା ମହିଳାମାନଙ୍କଠାରେ ପ୍ରୋଷ୍ଟେଟ କର୍କଟ ହେବାର ଆଶଙ୍କା 22 ପ୍ରତିଶତ ଅଧିକ ରହିଥାଏ।