ନୂଆଦିଲ୍ଲୀ: ଅକ୍ଟୋବର 2018ରୁ ମାର୍ଚ୍ଚ 2019 ମଧ୍ୟରେ ବନ୍ଦ ହୋଇଛି ପ୍ରାୟ 3 ବିଲିୟନ ଫେସବୁକ ଆକାଉଣ୍ଟ । କାରଣ ଆକ୍ଟିଭ ଥିବା ଆକାଉଣ୍ଟ ମଧ୍ୟରୁ 5 ପ୍ରତିଶତ ହେଉଛନ୍ତି ଫେକ ଆକାଉଣ୍ଟ । ଏଥିସହ ଫେସବୁକରେ ଲଗାତାର ବଢୁଥିବା ପର୍ଣ୍ଣୋଗ୍ରାଫି ପାଇଁ ମଧ୍ୟ କେତେକ ଆକାଉଣ୍ଟ ବନ୍ଦ କରାଯାଇଥିବା ଜଣାପଡିଛି ।
ସୂଚନା ମୁତାବକ 2018 ସେପ୍ଟେମ୍ବରରୁ ଡିସେମ୍ବର ମଧ୍ୟରେ 1.2 ବିଲିୟନ ଆକାଉଣ୍ଟକୁ ଫେସବୁକରୁ ହଟାଯାଇଥିବାବେଳେ 2019 ଜାନୁଆରୀରୁ ଏପ୍ରିଲ ମଧ୍ୟରେ 2.19 ବିଲିୟନ ଆକାଉଣ୍ଟକୁ ହଟାଯାଇଛି । ଅନ୍ୟପଟେ ଅଧିକ ସଂଖ୍ୟାରେ ଲୋକଙ୍କ ସହ ସମ୍ପର୍କ ବଢାଇବା ପାଇଁ କେତେକ ବ୍ୟକ୍ତି ଫେସବୁକ୍ରେ ଏକାଧିକ ଫେକ୍ ଆକାଉଣ୍ଟ ଖୋଲୁଥିବା ମଧ୍ୟ ଦେଖିବାକୁ ମିଳୁଛି । ତେଣୁ ଫେସବୁକ୍ର ଅପବ୍ୟବହାରକୁ ରୋକିବା ପାଇଁ ଏଭଳି ପଦକ୍ଷେପ ନେବାକୁ ବାଧ୍ୟ ହୋଇଛି ଫେସବୁକ୍ ।