ଲୁଣ ବିନା ଖାଦ୍ୟ ସ୍ବାଦ ହୀନ ପରି ଲାଗେ । ଅନେକ ଲୋକ କମ ଲୁଣ ଖାଆନ୍ତି ତ ଆଉ କେତେ ଜଣ ଆବଶ୍ୟକତାଠୁ ଅଧିକ ଲୁଣ ଖାଇଥାନ୍ତି । ଏହାସହ ଅଧିକ ଲୁଣ ସେବନ ଶରୀରର ପାଇଁ କ୍ଷତିକାରକ ହୋଇଥାଏ । ଏମିତିକି ଅତ୍ୟଧିକ ଲୁଣ ଖାଇବା ଦ୍ବାରା ଉଚ୍ଚ ରକ୍ତଚାପର ଅସୁବିଧା ସୃଷ୍ଟି ହୋଇଥାଏ । କିନ୍ତୁ ଏହାକୁ ଛାଡି ଲୁଣ ଆମ ଚର୍ମ ଓ କେଶ ପାଇଁ ଉପକାରୀ ସାବ୍ୟସ୍ତ ହୋଇଥାଏ । ତେବେ ଆସନ୍ତୁ ଜାଣିବା ଲୁଣର ଉପକାରିତା ବିଷୟରେ...
1. ବାହାରେ ବୁଲିବା ବେଳେ ଅନେକ ଗୁଡିଏ କ୍ଷତିକାରକ ବ୍ୟାକ୍ଟେରିଆ ସଂସ୍ପର୍ଶରେ ଶରୀର ଆସିଥାଏ । ତେଣୁ ଗାଧୋଇବା ସମୟରେ ପାଣିରେ ଲୁଣ ମିଶାଇ ଗାଧୋଇଲେ କ୍ଷତିକାରକ ବ୍ୟାକ୍ଟେରିଆ ମାନେ ମରିଯାଆନ୍ତି । ଏହାସହ ଲୁଣ ଶରୀରକୁ ଉଜ୍ବଳ ଓ ଚିକ୍କଣ ରଖିଥାଏ । ଏଥିପାଇଁ ଗୋଟିଏ କପ ଲୁଣ ନିଅନ୍ତୁ , ଲୁଣ ସମୂର୍ଣ୍ଣ ରୂପେ ଭିଜି ଗଲେ ଏହି ପାଣିରେ 10 ରୁ 15 ମିନିଟ ପର୍ଯ୍ୟନ୍ତ ବସନ୍ତୁ । ଏହାପରେ ଥଣ୍ଡା ପାଣିରେ ଗାଧୋଇ ପଡନ୍ତୁ ।