ଯୋଧପୁର: ସହରର ବିଲାଡା ପୋଲିସ ଷ୍ଟେସନ ଅଞ୍ଚଳର ଜେଟିଭାସ ଗ୍ରାମରେ ମଙ୍ଗଳବାର ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଯେଉଁଠାରେ ଏକ ଚାଷ ଜମି ଭିତରେ କୁଡିଆ ଘରେ ରହୁଥିବା ପରିବାରର 3 ସଦସ୍ୟଙ୍କୁ ଦୁର୍ବୃତ୍ତମାନେ ହତ୍ୟା କରିଛନ୍ତି ।
କୁଡିଆ ଘରେ ରହୁଥିବା ଜଣେ ଯୁବକ, ମହିଳା ଏବଂ ଶିଶୁଙ୍କୁ ଏହି ଦୁର୍ବୃତ୍ତ ହତ୍ୟା କରିଛନ୍ତି । ଏହାସହ ଆକ୍ରମଣରେ ଦୁଇ ଶିଶୁ ମଧ୍ୟ ଆହତ ହୋଇଛନ୍ତି । ଏମାନଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଏହି ହତ୍ୟା ଖବର ପାଇବା ମାତ୍ରେ ଉକ୍ତ ଅଞ୍ଚଳରେ ଆତଙ୍କ ଖେଳି ଯାଇଥିଲା । ଗ୍ରାମବାସୀ ଏନେଇ ପୋଲିସକୁ ସୂଚନା ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମାମଲାର ତଦନ୍ତ ଆରମ୍ଭ କରିଥିଲା ।