କଟକ: କେନ୍ଦ୍ରାପଡ଼ା ଲୋକସଭା ଆସନର ବିଜେଡି ପ୍ରାର୍ଥୀ ଅନୁଭବ ମହାନ୍ତିଙ୍କୁ ହତ୍ୟା ଧମକ ଦେବା ଘଟଣାରେ ପୁଲିସ୍ ଜଣକୁ ଗିରଫ କରିଛି । ଧମକ ଦେଇଥିବା ବ୍ୟକ୍ତି ଦିପୁ ବାରିକ ଓରଫ୍ କାଳିଆକୁ ଗୁଜୁରାଟରୁ ଗିରଫ କରିଛି କମିଶନରେଟ ପୋଲିସ ସ୍ପେଶାଲ ସ୍କ୍ବାର୍ଡ ଟିମ୍ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
କିଛିଦିନ ତଳେ ରାଜ୍ୟସଭା ସାଂସଦ ଅନୁଭବ ମହାନ୍ତିଙ୍କୁ ଦାଦାବଟି ପାଇଁ ଧମକ ମିଳିଥିଲା । ଏକ ଅଜଣା ହ୍ୱାଟସଆପ୍ ରେ ତାଙ୍କ ପାଖକୁ ଏହି ମେସେଜ୍ ଆସି ୧୦ ଲକ୍ଷ ଟଙ୍କା ଦାଦାବଟି ଦାବି କରାଯିବା ସହ ନଦେଲେ ହତ୍ୟା ଧମକ ଦିଆଯାଇଥିଲା । ଏନେଇ ନେଇ ଅନୁଭବଙ୍କ ପକ୍ଷରୁ ପୁରୀଘାଟ ଥାନାରେ ଅଭିଯୋଗ କରାଯାଇଛି । ଅଭିଯୋଗ ଆଧାରରେ ପୋଲିସ ୯୧/୨୦୧୯ରେ ଆଇପିସି ୩୮୬ରେ ଏକ ମାମଲା ରୁଜୁ କରି ତଦନ୍ତ କରିଥିଲା ।