ଭୁବନେଶ୍ବର: ପୁରିଲା ଏକ ମାସ, ମିଳିଲାନି ହତ୍ୟାକାରୀର ସୁରାକ । ଅନ୍ଧାରରେ ବାଡି ବୁଲାଇଲା ପରି ତଦନ୍ତ କରୁଛି କ୍ରାଇମବ୍ରାଞ୍ଚ । ଜିଆରପି ଠାରୁ ତଦନ୍ତଭାର ନେବା ପରେ କେବଳ ଲାଇଡିଟେକ୍ସନରେ ଅଟକି ରହିଛି କ୍ରାଇମବ୍ରାଞ୍ଚ ଟିମ । ଅର୍ଥାତ ଆଦିତ୍ୟ ମୃତ୍ୟ ପଛର ରହସ୍ୟ କଣ ? ହତ୍ୟାକାରୀ କିଏ ଏବଂ କେଉଁ କାରଣରୁ ଆଦିତ୍ୟଙ୍କ ମୃତ୍ୟୁ ଘଟିଛି ? ତାହାର ମିଳୁନି ସୁରାକ ।
ଜିଆରପି କରିଥିବା ତଦନ୍ତକୁ ଦୋହରାଇ ଲାଇଡିଟେକ୍ସନ କରି ଅଟକି ରହିଛି ଟିମ୍ । ଲାଇଡିଟେକ୍ସନରୁ କଣ ମିଳିଲା, କେତେ ସତ କେତେ ମିଛ ତାକୁ ତର୍ଜମା କରିବା କ୍ରାଇମବ୍ରାଞ୍ଚ ପାଇଁ ହୋଇଛି କାଠିକର ପାଠ । ତେବେ ଆଦିତ୍ୟଙ୍କ ପତ୍ନୀ ହାଇକୋର୍ଟର ଦ୍ବାରସ୍ଥ ପରେ ଏବେ ସମାନ ଦାବି କରିଛନ୍ତି ପିପୁଲ ଫର ସେବାର ଓକିଲ । କ୍ରାଇମବ୍ରାଞ୍ଚ ତଦନ୍ତ ଉପରେ ବିଶ୍ବାସ ଆସୁନଥିବା ଦର୍ଶାଇ ମାମଲା ସିବିଆଇକୁ ହସ୍ତାନ୍ତର କରିବାକୁ ଦାବି ହୋଇଛି ।
ଆଦିତ୍ୟ ଦାସ ମୃତ୍ୟୁ ମାମଲା; କ୍ରାଇମବ୍ରାଞ୍ଚ ତଦନ୍ତକୁ ମାସେ, ହସ୍ତଗତ ହେଲାନି ହତ୍ୟାକାରୀର ସୁରାକ