ଥାଇଲ୍ୟାଣ୍ଡ ଗସ୍ତ କରିବେ ପୂର୍ବତନ ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା

ସିଙ୍ଗାପୁରରୁ ଥାଇଲ୍ୟାଣ୍ଡ ଯିବେ ଶ୍ରୀଲଙ୍କାର ପଳାତକ ପୂର୍ବତନ ରାଷ୍ଟ୍ରପତି ଗୋଟାବାୟ ରାଜପକ୍ଷେ । ଶ୍ରୀଲଙ୍କା ଗୃହ ଯୁଦ୍ଧ ପରିସ୍ଥିତିରେ ଛାଡିଥିଲେ ଦେଶ । ଅଧିକ ପଢନ୍ତୁ

ସିଙ୍ଗାପୁର: ଶ୍ରୀଲଙ୍କାରୁ ପଳାୟନ କରି ସିଙ୍ଗାପୁରରେ ଥିବା ପୂର୍ବତନ ରାଷ୍ଟ୍ରପତି ଗୋଟାବାୟା ରାଜପକ୍ଷେ ଥାଇଲ୍ୟାଣ୍ଡ ଯିବା ପାଇଁ ଆଗ୍ରହୀ । ସେ ଏବେ ସିଙ୍ଗାପୁରରେ ଥିବା ବେଳେ ଆସନ୍ତାକାଲି (ଗୁରୁବାର) ସେ ଥାଇଲ୍ୟାଣ୍ଡରେ ପହଞ୍ଚିପାରନ୍ତି । ସେ ଥାଇଲ୍ୟାଣ୍ଡ ଗସ୍ତ କରିବା ନେଇ ସେଠାକାର କର୍ତ୍ତୃପକ୍ଷଙ୍କୁ ଅନୁରୋଧ ମଧ୍ୟ କରିଥିବା ଜଣାପଡିଛି । ଗୋଟାବାୟାଙ୍କ ପକ୍ଷରୁ କରାଯାଇଥିବା ଅନୁରୋଧ ଥାଇଲ୍ୟାଣ୍ଡର ବୈଦେଶିକ ମନ୍ତ୍ରଣାଳୟ ଗ୍ରହଣ କରିଥିବା ମଧ୍ୟ ସୂଚନା ଦେଇଛି ।

ଗୋଟାବାୟାଙ୍କ ଗସ୍ତ ନେଇ ମଧ୍ୟ ଥାଇଲ୍ୟାଣ୍ଡର କୌଣସି ଆପତ୍ତି ନଥିବା ଜଣାପଡିବା ପରେ ସେ ଆସନ୍ତାକାଲି ଥାଇଲ୍ୟାଣ୍ଡ ଗସ୍ତ କରିପାରନ୍ତି ବୋଲି ସୂଚନା ମିଳିଛି । ଶ୍ରୀଲଙ୍କାରେ ଗୃହଯୁଦ୍ଧ ପରିସ୍ଥିତି ଦେଖାଯିବା ପରେ କିଛି ଦିନ ଅର୍ନ୍ତଧ୍ୟାନ ରହିଥିଲେ ତତ୍କାଳୀନ ରାଷ୍ଟ୍ରପତି ଗୋଟୋବାୟା । ପରେ ସେ ହଠାତ ଦେଶଛାଡି ମାଳଦ୍ବୀପ ଚାଲି ଯାଇଥିଲେ । ସେଠାରୁ ସେ ଜୁଲାଇ 14 ତାରିଖରେ ସିଙ୍ଗାପୁର ଚାଲିଯିବା ସହ ସେବେଠାରୁ ସେ ସେଠାରେ ହିଁ ରହିଛନ୍ତି । ଏବେ ସେ ଥାଇଲ୍ୟାଣ୍ଡ ଯିବାପାଇଁ ବାହାରିଛନ୍ତି ।

ବ୍ୟୁରୋ ରିପୋର୍ଟ, ଇଟିିଭି ଭାରତ