ନୂଆଦିଲ୍ଲୀ:କୋରୋନା ଆକ୍ରାନ୍ତ ହେଲେ ସ୍ପେନ ରାଷ୍ଟ୍ରପତି । ଜି-୨୦ ବୈଠକ ପୂର୍ବରୁ ସ୍ପେନ ରାଷ୍ଟ୍ରପତି ପେଡ୍ରୋ ସାନଚେଜ୍ କୋଭିଡ ପଜିଟିଭ ଚିହ୍ନଟ ହୋଇଛନ୍ତି । ଯେଉଁ କାରଣରୁ ଆସନ୍ତାକାଲି(ଶନିବାର)ଠାରୁ ଦିଲ୍ଲୀରେ ଆରମ୍ଭ ହେବାକୁ ଥିବା ଜି-୨୦ ଶିଖର ସମ୍ମିଳନୀରେ ସେ ସାମିଲ ହୋଇପାରିବେ ନାହିଁ । ଏନେଇ ରାଷ୍ଟ୍ରପତି ସାନଚେଜ୍ X(ପୂର୍ବର ଟ୍ବିଟର) ଜରିଆରେ ସୂଚନା ଦେଇଛନ୍ତି ।
ସ୍ପେନ ରାଷ୍ଟ୍ରପତି କହିଛନ୍ତି ଯେ, ଆଜି ଅପରାହ୍ନରେ କୋଭିଡ୍ ପଜିଟିଭ ଚିହ୍ନଟ ହୋଇଛି । ଏଥିପାଇଁ ଜି-୨୦ ସମ୍ମିଳନୀରେ ଯୋଗ ଦେବାକୁ ଦିଲ୍ଲୀ ଯାଇପାରିବି ନାହିଁ । ମୁଁ ସୁସ୍ଥ ଅନୁଭବ କରୁଛି । ହେଲେ ଭାରତ ଯିବାକୁ ଅସମର୍ଥ । ଶିଖର ସମ୍ମିଳନୀରେ ସ୍ପେନ ପକ୍ଷରୁ ଦେଶର ପ୍ରଥମ ଉପରାଷ୍ଟ୍ରପତି ନାଦିଆ କେଲଭିନୋ ଓ ବୈଦେଶିକ ମନ୍ତ୍ରୀ ଜୋସ୍ ମାନୁଏଲ ଆଲବାରେସ୍ ପ୍ରତିନିଧିତ୍ବ କରିବେ । ତେବେ ଜି-୨୦ ବୈଠକରେ ସାମିଲ ନହେବାରେ ସାନଚିଜ୍ ହେଉଛନ୍ତି ତୃତୀୟ ବିଶ୍ବନେତା । ତାଙ୍କ ପୂର୍ବରୁ ଚୀନ ରାଷ୍ଟ୍ରପତି ସି ଜିନପିଙ୍ଗ ଓ ଋଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ଦିଲ୍ଲୀ ଆସିପାରିବେ ନାହିଁ ବୋଲି ସୂଚନା ଦେଇଥିଲେ ।
ଏହାମଧ୍ୟ ପଢନ୍ତୁ: G20 summit: ଆଜି ପହଞ୍ଚିବେ ବାଇଡେନ-ସୁନକ, ସ୍ବାଗତ ପାଇଁ ସଜେଇ ହୋଇଛି ଦିଲ୍ଲୀ