ମେକ୍ସିକୋ ସିଟି: ଉତ୍ତର ମେକ୍ସିକୋରେ ଭୟଙ୍କର ସଡ଼କ ଦୁର୍ଘଟଣା । ଟ୍ରାକ୍ଟର, ଟ୍ରଲର ଏବଂ ଭ୍ୟାନ ମଧ୍ୟରେ ଦୁର୍ଘଟଣା ଘଟି ଅତି କମରେ ୨୬ ଜଣଙ୍କ ମୃତ୍ୟୁ ଘଟିଛି । ଦୁର୍ଘଟଣା ଏତେ ଭୟଙ୍କର ଥିଲା ଯେ, ଗାଡ଼ିଗୁଡ଼ିକ ପରସ୍ପର ଧକ୍କା ହେବାପରେ ନିଆଁ ଲାଗିଯାଇଥିଲା । ରାଜଧାନୀ ସିଉଦାଦ ଭିକ୍ଟୋରିଆରେ ବାହାରେ ଏହି ଦୁର୍ଘଟଣା ଘଟିଥିବା ତମାଉଲିପାସ ଜନସୁରକ୍ଷା ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି ।
ଏହା ମଧ୍ୟ ପଢ଼ନ୍ତୁ:Texas Shooting: ଟେକ୍ସାସ ମଲରେ ଆଖିବୁଜା ଗୁଳିମାଡ, ଟଳିପଡିଲେ 9 ଜଣ
ସୂଚନା ଅନୁଯାୟୀ, ରବିବାର ସକାଳେ ଉତ୍ତର ମେକ୍ସିକୋର ସିଉଦାଦ ଭିକ୍ଟୋରିଆରେ ବାହାରେ ଗାଡ଼ିଗୁଡିକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଦୁର୍ଘଟଣାଗ୍ରସ୍ତ ଭ୍ୟାନଟି ଘରୋଇ ଟ୍ରାନ୍ସପୋର୍ଟ ବ୍ୟବସାୟର ହୋଇଥିବା କୁହାଯାଉଛି । ସେହି ସମୟରେ କିଛି ପାସେଞ୍ଜରଙ୍କୁ ନେଇ ଯାଉଥିଲା । ଭ୍ୟାନରେ କିଛି ପିଲାଙ୍କ ସମେତ ମହିଳାମାନେ ଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତକଙ୍କୁ ଉଦ୍ଧାର କରିଛି । ବର୍ତ୍ତମାନ ସୁଦ୍ଧା ସମସ୍ତ ମୃତକଙ୍କ ପରିଚୟ ଜଣାପଡ଼ାନଥିବା ଅଧିକାରୀ ସୂଚନା ଦେଇଛନ୍ତି । ତେବେ ଦୁର୍ଘଟଣାରେ ଟ୍ରକ ଡ୍ରାଇଭରଙ୍କ ମୃତ୍ୟୁ ଘଟିଛି ନା ସେ ଫେରାର ଅଛନ୍ତି, ତାହା ଜଣାପଡ଼ିନାହିଁ । ଘଟଣାସ୍ଥଳରେ ତଦନ୍ତ ଜାରି ରଖିଥିବାବେଳେ ମୃତକଙ୍କ ପରିଚୟ ପତ୍ର ଉଦ୍ଧାର ହୋଇଛି । ସେମାନଙ୍କ ମଧ୍ୟରୁ ଅଧିକାଂଶ ମେକ୍ସିକୋବାସୀ ବୋଲି ଜଣାପଡ଼ିଛି ।