କାନବେରା:ବିଦେଶ ଗସ୍ତରେ ଅଛନ୍ତି ବୈଦେଶିକ ମନ୍ତ୍ରୀ ଏସ ଜୟଶଙ୍କର । ଆଜି ତ୍ରିରଙ୍ଗା ସ୍ବାଗତ ପାଇଁ ଅଷ୍ଟ୍ରେଲିଆର କାନବେରା ପହଞ୍ଚିଛନ୍ତି ବୈଦେଶିକ ମନ୍ତ୍ରୀ । ସେଠାରେ ତାଙ୍କୁ ଅଷ୍ଟ୍ରେଲିଆର ବଡ ବଡ ନେତା ସ୍ବାଗତ କରିଛନ୍ତି । କାନବେରା ପହଞ୍ଚିବା ପରେ ତାଙ୍କୁ ତ୍ରିରଙ୍ଗା ରଙ୍ଗରେ ସ୍ବାଗତ କରାଯାଇଥିଲା । ଅଷ୍ଟ୍ରେଲିଆର ପୁରାତନ ପାର୍ଲାମେଣ୍ଟ ହାଉସ ଆମ ଜାତୀୟ ପତାକା ତ୍ରିରଙ୍ଗା ରଙ୍ଗରେ ରଙ୍ଗୀନ ହୋଇଛି । ଯାହାକୁ ଦେଖି ଟ୍ବିଟ କରି ଖୁସି ବ୍ୟକ୍ତି କରିଛନ୍ତି ବୈଦେଶିକ ମନ୍ତ୍ରୀ ଏସ ଜୟଶଙ୍କର ।
ଅଷ୍ଟ୍ରେଲିଆର କାନବେରା ଓ ସିଡନୀ ଗସ୍ତ କରିବେ ବୈଦେଶିକ ମନ୍ତ୍ରୀ । ଚଳିତ ବର୍ଷ ଏହା ତାଙ୍କ ଦ୍ବିତୀୟ ଅଷ୍ଟ୍ରେଲିଆ ଗସ୍ତ । ଚଳିଚ ବର୍ଷ ଫେବୃଆରୀରେ ମେଲବୋର୍ଣ୍ଣରେ ପ୍ରଥମ ଥର କ୍ବାର୍ଡ ବୈଦେଶିକ ସମ୍ମିଳନୀରେ ଯୋଗ ଦେବାକୁ ଅଷ୍ଟ୍ରେଲିଆ ଗସ୍ତ କରିଥିଲେ । ତ୍ରିରଙ୍ଗା ସ୍ବାଗତ ସହ ଦ୍ବିପାକ୍ଷିକ ଆଲୋଚନା କରିବେ ଏସ. ଜୟଶଙ୍କର । ଏନେଇ ଟ୍ବିଟ କରି ଜୟଶଙ୍କର କହିଛନ୍ତି, ''ତ୍ରିରଙ୍ଗା ସ୍ବାଗତ ପାଇଁ କାନବେରାରେ ପହଞ୍ଚିଛି । ଅଷ୍ଟ୍ରେଲିଆର ପୁରାତନ ସଂସଦ ଭବନ ଆମ ଜାତୀୟ ପତାକା ତ୍ରିରଙ୍ଗା ରଙ୍ଗରେ ରଙ୍ଗୀନ ହୋଇଥିବା ଦେଖି ମୁଁ ବହୁତ ଖୁସି ।''