ୱାଶିଂଟନ: ଆମେରିକା ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଘରେ ରେଡ୍ । ହ୍ବାଇଟ ହାଉସରୁ କାଗଜପତ୍ର ନେଇଥିବା ଅଭିଯୋଗରେ ତାଙ୍କ ଘରେ ଏହି ଚଢାଉ ହୋଇଛି । ଏ ନେଇ ଟ୍ବିଟ କରି ସୂଚନା ଦେଇଛନ୍ତି ଡୋନାଲ୍ଡ ଟ୍ରମ୍ପ । ଏଫବିଆଇ (Federal Bureau of Investigation) ପକ୍ଷରୁ ଏହି ରେଡ୍ ହୋଇଛି । ଟ୍ରମ୍ପଙ୍କ ମାର ଏ ଲାଗୋ ସମ୍ପତ୍ତି ଉପରେ ଚଢାଉ ଜାରି ରହିଛି । ତାଙ୍କ ରିସର୍ଟ ଓ ଫାର୍ମ ହାଇସରେ ଏଫବିଆଇ ରେଡ କରିଛି । ସେପଟେ ବିନା ନୋଟିସରେ ଏହି ଚଢାଉ ହୋଇଥିବା ଅଭିଯୋଗ କରିଛନ୍ତି ଟ୍ରମ୍ପ ।
ଟ୍ବିଟ କରି ଟ୍ରମ୍ପ କହିଛନ୍ତି, ''ଦକ୍ଷିଣ ଫ୍ଲୋରିଡାର ତାଙ୍କ ମାର-ଏ-ଲାଗୋ ଇଷ୍ଟେଟ୍ ବର୍ତ୍ତମାନ ସିଜ କରାଯାଇ ଚଢାଇ ହୋଇଛି । ଏଫବିଆଇ ଗ୍ରୁପର ଏଜେଣ୍ଟମାନେ ଏହି ରେଡ୍ କରିଛନ୍ତି । ଆମେରିକାର 45ତମ ରାଷ୍ଟ୍ରପତି ରହିଥିଲେ ଡୋନାଲ୍ଡ ଟ୍ରମ୍ପ ।'' ଅଚାନକ ଚଢାଉ ନେଇ ଟ୍ରମ୍ପ କହିଛନ୍ତି ଏହା ଆମ ଦେଶ ପାଇଁ କଳା ସମୟ । ମୋ ସୁନ୍ଦର ଘର ମାର-ଏ-ଲାଗୋ ଉପରେ ରେଡ୍ ହୋଇଛି । ପୂର୍ବରୁ ଏପରି ଜଣେ ରାଷ୍ଟ୍ରପତିଙ୍କ ସହ କେବେ ହୋଇନାହିଁ । ସରକାରୀ ଏଜେନ୍ସି ସହ ସହଯୋଗ ଓ କାମ କରିବା ପରେ ବିନା ନୋଟିସରେ ମୋ ଘରେ ଚଢାଉ କରିବା ଗ୍ରହଣୀୟ ନୁହେଁ ବୋଲି କହିଛନ୍ତି ଟ୍ରମ୍ପ ।