ଖୋର୍ତ୍ତୋମ:ସାମରିକ ଓ ଅର୍ଦ୍ଧ ସାମରିକ ବାହିନୀ ମଧ୍ୟରେ ସଂଘର୍ଷ ଯୋଗୁଁ ଅଶାନ୍ତ ସୁଦାନ ସ୍ଥିତି । ବର୍ତ୍ତମାନ ସୁଦ୍ଧା ୪୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇସାରିଥିବା ବେଳେ ୫ ମିଲିୟନ ଲୋକ ଫସି ରହିଥିଲେ । ତେବେ ଏମାନଙ୍କ ମଧ୍ୟରେ ଅନେକ ଭାରତୀୟ ରହିଥିବା ବେଳେ ସେମାନଙ୍କୁ ଉଦ୍ଧାର କରିବା ନେଇ ଭାରତୀୟ ଦୂତାବାସଙ୍କ ଚିନ୍ତା ବଢିଥିଲା । ଏହାରି ଭିତରେ ଗତକାଲି ଏକ ଖୁସି ଖବର ସାମ୍ନାକୁ ଆସିଛି । ସାଉଦି ନାଗରିକଙ୍କ ସମେତ ୧୫୦ରୁ ଊର୍ଦ୍ଧ୍ବ ଲୋକ ସୁଦାନରୁ ଫେରିଛନ୍ତି । ଏନେଇ ସାଉଦି ଆରବ ପକ୍ଷରୁ ଶନିବାର ଘୋଷଣା କରାଯାଇଛି ।
ନିରାପଦ ସ୍ଥାନାନ୍ତର କରାଯାଇଥିବା ବ୍ୟକ୍ତିଙ୍କ ମଧ୍ୟରେ ବିଦେଶୀ କୂଟନୀତିଜ୍ଞ ଏବଂ ଅଧିକାରୀମାନେ ରହିଛନ୍ତି । ଏହି ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇ ଶନିବାର ଦିନ ସାଉଦି ଆରବର ଜେହାଗ ସହରକୁ ଅଣାଯାଇଥିବା ନେଇ ସ୍ଥାନୀୟ ଗଣମାଧ୍ୟମରେ ମଧ୍ୟ ରିପୋର୍ଟ ପ୍ରକାଶ ପାଇଛି । ସାଉଦି ଆରବ ବ୍ୟତୀତ 12ଟି ଦେଶର ନାଗରିକଙ୍କୁ ନିରାପଦରେ ସ୍ଥାନାନ୍ତର କରାଯିବ ବୋଲି ଘୋଷଣା କରାଯାଇଛି।
ରିପୋର୍ଟ ଅନୁସାରେ, ସୁଦାନରେ ବିବାଦ ଆରମ୍ଭ ହେବା ପରେ ନାଗରିକଙ୍କୁ ଉଦ୍ଧାର କରିବା ପାଇଁ ଏହା ପ୍ରଥମ ଥର ପାଇଁ ଘୋଷଣା କରାଯାଇଥିଲା । ସୂଚନାଯୋଗ୍ୟ, ମଙ୍ଗଳବାର (ଏପ୍ରିଲ 18) ରେ ବୈଦେଶିକ ମନ୍ତ୍ରୀ ଏସ ଜୟଶଙ୍କର ସାଉଦି ଆରବର ମନ୍ତ୍ରୀ ବିନ୍ ଫରହାନ ଅଲ ସଉଦଙ୍କ ସହ ଭାରତୀୟମାନଙ୍କୁ ସୁଦାନରୁ ସ୍ଥାନାନ୍ତର କରିବା ବିଷୟରେ ଆଲୋଚନା କରିଥିଲେ ।