ବାଗଦାଦ: ବିଶ୍ୱ କୋରୋନା ଆତଙ୍କରେ ଆତଙ୍କିତ ରହିଛନ୍ତି ବିଶ୍ୱର ଶତାଧିକ ରାଷ୍ଟ୍ର । ଏପରିସ୍ଥଳେ ଇରାକ ଫୋର୍ସ ଦେଶରୁ ଆତଙ୍କୀଙ୍କୁ ନିପାତ କରିବାରେ ବ୍ୟସ୍ତ ରହିଛି । ଇରାକ ପୂର୍ବ ପ୍ରାନ୍ତର ଡିଆଲାଠାରେ ଛପି ରହିଥିବା 4 ଇସଲାମିକ୍ ଷ୍ଟେଟ୍ (ଆଇଏସ୍) ଆତଙ୍କବାଦୀଙ୍କୁ ନିପାତ କରିଛି ଇରାକ ସେନା ।
ବାଗଦାଦର 65 କିଲୋମିଟର ଉତ୍ତର-ପୂର୍ବରେ ଥିବା ପ୍ରଦେଶର ରାଜଧାନୀ ବାକୁବା ଦକ୍ଷିଣରେ ଥିବା ବୁହୁରୁଜ ଅଞ୍ଚଳରେ ଏକ ଗୁପ୍ତଚର ଦଳ ଚଢାଉ କରିଥିଲେ । ସେଠାରେ ଅଧଘଣ୍ଟା ଧରି ଆଇଏସ୍ ଆତଙ୍କବାଦୀଙ୍କ ସହ ସଂଘର୍ଷ ହୋଇଥିଲା । ଏଥିରେ ଚାରିଜଣ ଆତଙ୍କବାଦୀ ନିହତ ହୋଇଥିବା ପୋଲିସ ସୂଚନା ଦେଇଛି ।