କାନବେରା: କୋଭିଡ-19 ପ୍ରଭାବରେ ଅଷ୍ଟ୍ରେଲିଆର ଟପ୍ ୟୁନିଭର୍ସିଟି ଏବେ ଚିନ୍ତାରେ । ସଂକ୍ରମଣର ଭୟ ଲାଗି ରହିଥିବାରୁ ୟୁନିଭର୍ସିଟି ଖୋଲିପାରୁନଥିବା ବେଳେ ଏଠାରେ ପଢୁଥିବା ଅର୍ଦ୍ଧାଧିକ ବିଦେଶୀ ଛାତ୍ରଛାତ୍ରୀ ଏବେ ଫେରି ପାରୁନଥିବା ଅନ୍ୟ ଏକ ମୁଖ୍ୟ ଚିନ୍ତା ପାଲଟିଛି । ଏହି ୟୁନିଭର୍ସିଟି ଗୁଡିକରେ ମୁଖ୍ୟତଃ ଦେଶ ବାହାରୁ ଛାତ୍ରଛାତ୍ରୀଙ୍କ ଭିଡ ଜମୁଥିବା ବେଳେ ଏବେ ଲକଜାଉନ ପାଇଁ ମାନ୍ଦା ପଡିଛି ୟୁନିଭର୍ସିଟି ଆୟ ।
ଆକଳନ ମୁତାବକ ଲକଡାଉନରେ ସୀମା ବନ୍ଦ ପାଇଁ ବିଦେଶୀ ଛାତ୍ରଛାତ୍ରୀ ଆସିନପାରିବାରୁ ୟୁନିଭର୍ସିଟି ଗୁଡିକୁ ଆଗାମୀ 6 ମାସରେ 3.01 ବିଲିୟନ ଡଲାରର କ୍ଷତି ସହିବାକୁ ହେବ । ଏଥିସହ ପ୍ରାୟ 21,290 ଜଣ କର୍ମଚାରୀ ନିଜର ଚାକିରୀ ହରାଇବେ ବୋଲି ଆଶଙ୍କା ପ୍ରକାଶ ପାଇଛି । ଏନେଇ ଗଣମାଧ୍ୟମକୁ ସୂଚନା ଦେଇଛି ଦେଶର 39 ୟୁନିଭର୍ସିଟିର ନେତୃତ୍ବ ନେଉଥିବା ଅରଗାନାଇଜେସନ ୟୁନିଭର୍ସିଟିସ ଅଷ୍ଟ୍ରେଲିଆ(ୟୁଏ)ର ମୁଖ୍ୟ କାର୍ଯ୍ୟକାରୀ ଅଧ୍ୟକ୍ଷ କ୍ୟାଟ୍ରିଓନା ଜ୍ୟାକସନ ।
ଦେଶର ଅର୍ଥନୀତିରେ ବିଦେଶୀ ଛାତ୍ରଛାତ୍ରୀମାନେ କେବଳ 2018-19 ବର୍ଷରେ 37.6 ବିଲିୟନ ଅଷ୍ଟ୍ରେଲିଆନ ଡଲାରର ସହାୟତା କରିଥିବା ବେଳେ ଏହା ଦେଶର 4ର୍ଥ ସର୍ବଶ୍ରେଷ୍ଠ ଆୟର ମାଧ୍ୟମ । ଦେଶରେ କୋଇଲା, ଲୁହା ଓ ପ୍ରାକୃତି ଗ୍ୟାସ ପରେ ଶିକ୍ଷାର ବ୍ୟବସାୟୀକରଣ କରାଯାଇଥାଏ । ଯାହା ଦ୍ବାରା ୟୁନିଭର୍ସିଟି ଗୁଡିକରେ ଅର୍ଦ୍ଧାଧିକ ସ୍ଥାନ ବିଦେଶୀ ଛାତ୍ରଛାତ୍ରୀମାନେ ଗ୍ରହଣ କରିଥାଆନ୍ତି । ସେପଟେ ମହାମାରୀ ପରେ ଦେଶରେ ରୋଜଗାରର ଅଭାବ ଯୋଗୁଁ ଏହି ବିଦେଶୀ ଛାତ୍ରମାନେ 33,000 ଅଷ୍ଟ୍ରେଲିଆନ ଡଲାର ଖର୍ଚ୍ଚ କରି ପାଠ ପଢିବା ବଦଳରେ ନିଜ ଦେଶକୁ ପ୍ରତ୍ୟାବର୍ତ୍ତନ କରିଛନ୍ତି ।
ଏହା ମଧ୍ୟରେ ଜୁଲାଇ ମାସରୁ ଦେଶ ନିଜ ଅର୍ଥବ୍ୟବସ୍ଥାକୁ ସ୍ବାଭାବିକ କରିବା ନେଇ ଯୋଜନା ପ୍ରସ୍ତୁତ କରୁଛି । ତେବେ ଏପରି ସ୍ଥିତିରେ ବିଦେଶାଗତ ଛାତ୍ରଛାତ୍ରୀଙ୍କୁ ପଠାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଥିବା ବେଳେ ଜ୍ୟାକସନ କହିଛନ୍ତି କି ଦେଶ କୋରୋନା ସହ ଅତି ଚମତ୍କାର ଲଢେଇ କରିଛି । ଦେଶରେ ପଢାକୁ ନେଇ କୌଣସି ଅସୁବିଧା ନାହିଁ। ଛାତ୍ରଛାତ୍ରୀମାନଙ୍କ ପାଇଁ ଏବେ ଦେଶ ଓ ୟୁନିଭର୍ସିଟିର ଦ୍ବାର ଖୋଲା ରହିଛି । ଅନ୍ୟପଟେ ପ୍ରଧାନମନ୍ତ୍ରୀ ସ୍କଟ ମୋରିନସନ ମଙ୍ଗଳବାର ଦେଶର ଯୁବପୀଢିକୁ ଟ୍ରେନିଂ ସ୍କିଲ ଯୋଗାଇବାରେ ଗୁରୁତ୍ବାରୋପ କରିଛନ୍ତି ।
@IANS
