ଦ୍ୱିତୀୟ ମହଲାରୁ ଖସିଲା ଶିଶୁ, ରକ୍ଷାକଲେ ନାବାଳକ

ଦ୍ବିତୀୟ ମହଲାରୁ ଖସି ପଡିଲା ଶିଶୁକନ୍ୟା । ହଠାତ ମରଣ ମୁହଁରୁ ରକ୍ଷା କଲେ ନାବାଳକ । ସୋସିଆଲ ମିଡିଆରେ ଭାଇରାଲ ହେଲା ଭିଡିଓ । ତୁର୍କୀ ଇସ୍ତାନବୁଲର ଘଟଣା ।

ଆଙ୍କାରା: ଦୁଇ ମହଲା କୋଠାରୁ ହଠାତ ଖସିପଡିଲା 2 ବର୍ଷର ଶିଶୁ । ଠିକ ସମୟରେ ରାସ୍ତାରେ ବୁଲୁଥିବା ଜଣେ ନାବାଳକ ଶିଶୁଟିକୁ ତଳକୁ ପଡୁଥିବା ଦେଖି ତାଙ୍କ ହାତରେ ଉଦ୍ଧାର କରିଥିଲେ । ଆଉ ପୂରା ଘଟଣା କଏଦ ହୋଇଥିଲା ଘର ବାହାରେ ଲାଗିଥିବା ସିସିଟିଭିରେ । ସୋସିଆଲ ମିଡିଆରେ ଭାଇରାଲ ହୋଇଛି ଏହି ଭିଡିଓ । ଏଭଳି ଘଟଣା ଘଟିଛି ତୁର୍କୀର ଇସ୍ତାନବୁଲରେ ।

ଭିଡିଓଟି ଦେଖିଲେ ଆପଣଙ୍କ ଛାତି ଥରିଉଠିବ । ଶିଶୁଟି ତଳକୁ ପଡିବା ବେଳେ ରାହାଧରି କାନ୍ଦୁଥିଛି ହଠାତ ଦେବଦୂତ ସାଜି ମରଣ ମୁହଁରୁ ରକ୍ଷା କରିଛନ୍ତି ନାବାଳକ ଫିଉଜି ଜବତ। ଶିଶୁଟିର ମା' ରୋଷେଇ କରୁଥିବା ବେଳେ ଝରକା ପାଖରେ ଖେଳୁଥିଲା 2 ବର୍ଷର ଶିଶୁ ଦୋହା । ହେଲେ ହଠାତ ଭାରସାମ୍ୟ ହରାଇ ଝରକା ପଟେ ତଳକୁ ଖସିପଡିଥିଲା । ହେଲେ ବିନା କ୍ଷତରେ ସେ ପାଇଥିଲେ ନୂଆ ଜୀବନ।

ଝିଅର ଜୀବନ ରକ୍ଷା କରିଥିବା ଜୋଶେଫଙ୍କୁ ଧନ୍ୟବାଦ ଦେବା ସହ ଖୁସି ହୋଇ ଦୋହାଙ୍କ ପିତା 200 ଟର୍କୀ ଲିରା ଦେଇଛନ୍ତି।