ଜେନିଭା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟପ୍ରଦେଶରେ ରେୱା ଠାରେ ଆଜି 750 ମେଗା ୱାଟ ବିଶିଷ୍ଟ ସୌର ଶକ୍ତି ପ୍ରକଳ୍ପକୁ ଉଦଘାଟନ କରିବେ । ଏହି ପ୍ରକଳ୍ପ ଦ୍ବାରା 3ଟି ୟୁନିଟରୁ 250 ମେଗାୱାଟ କରି ସୌରଶକ୍ତି ଉତ୍ପାଦିତ ହେବ । ଏହା ଦ୍ବାରା ସମଗ୍ର ଦେଶରେ ବିଦ୍ୟୁତ ଶୁଳ୍କ ପ୍ରକଳ୍ପ ଖୁବ ମିତବ୍ୟୟୀ ହେବ । ଅକ୍ଷୟ ଶକ୍ତି ଉପରେ ଗୁରୁତ୍ବ ଦେଇ ଭାରତର କାର୍ଯ୍ୟକୁ ପ୍ରଶଂସା କରିଛି ଜାତିସଂଘ ।
ଜାତିସଂଘର ସେକ୍ରେଟାରୀ ଜେନେରାଲ ଆଣ୍ଟୋନିଓ ଗୁଟେରସ ଅକ୍ଷୟ ଶକ୍ତି କ୍ଷେତ୍ରରେ କାର୍ଯ୍ୟ କରିଥିବାରୁ ଭାରତକୁ ପ୍ରଶଂସା କରିଛନ୍ତି। ମହାମାରୀ ସମୟରେ ସୌର ନିଲାମରେ ଲୋକପ୍ରିୟତା ଦେଖିବାକୁ ମିଳିଛି ଏବଂ ଏହା ଭାରତ ଏକ ଉତ୍ତମ ଉଦାହରଣ ବୋଲି କହିଛି।
ମିଳିତ ଜାତିସଂଘରେ ଭାରତର ସ୍ଥାୟୀ ମିଶନ, ନ୍ୟୁୟର୍କ ମିଳିତ ଜାତିସଂଘର ସେକ୍ରେଟେରୀ ଜେନେରାଲଙ୍କ 13 ସେକେଣ୍ଡର ଭିଡିଓ ଟ୍ୱିଟ କରି ଲେଖିଛି: #IEASummit ରେ ଭାଷଣ ଦେଇଥିବା ସେକ୍ରେଟେରୀ ଜେନେରାଲ ଆଣ୍ଟୋନିଓ ଗୁଟେରସ କହିଛନ୍ତି - ପରିବର୍ତ୍ତନର ମଞ୍ଜି ସେଠାରେ ଅଛି। ନବୀକରଣ ଯୋଗ୍ୟ ଶକ୍ତି ହେଉଛି ଏକମାତ୍ର ଶକ୍ତି ଉତ୍ସ ଯାହାକି 2020 ରେ ବୃଦ୍ଧି ପାଇବ ବୋଲି ଆଶା କରାଯାଉଛି। ମହାମାରୀର ସମୟରେ ସୌର ନିଲାମରେ ଲୋକପ୍ରିୟତା ଦେଖିବାକୁ ମିଳିଛି। ଭାରତ ଏକ ଭଲ ଉଦାହରଣ ଭାବରେ କାର୍ଯ୍ୟ କରେ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତ ବର୍ଷ ସେପ୍ଟେମ୍ବରରେ ମିଳିତ ଜାତିସଂଘର ମୁଖ୍ୟାଳୟରେ 50 କିଲୋୱାଟ 'ଗାନ୍ଧୀ ସୋଲାର ପାର୍କ'ର ଉଦଘାଟନ କରିଥିଲେ।
