ଭାରତ ଗସ୍ତରେ ଆସିବେ ୟୁକେର ବୈଦେଶିକ ସଚିବ ଲିଜ ଟ୍ରସ

ମାର୍ଚ୍ଚ ମାସ ଶେଷ ଆଡକୁ ଭାରତ ଗସ୍ତରେ ଆସିପାରନ୍ତି ୟୁକେର ବୈଦେଶିକ ସଚିବ ଲିଜ ଟ୍ରସ । ଅଧିକ ପଢନ୍ତୁ

ଇଂଲଣ୍ଡ: ୟୁକ୍ରେନ ଓ ଋଷିଆ ମଧ୍ୟରେ ଜାରି ରହିଛି ସଂଘର୍ଷ । ଏହାରି ମଧ୍ୟରେ ଭାରତ ଗସ୍ତରେ ଆସିବେ ୟୁକେର ବୈଦେଶିକ ସଚିବ ଲିଜ ଟ୍ରସ । ଚଳିତମାସ ଶେଷ ଆଡକୁ ସେ ଭାରତ ଗସ୍ତରେ ଆସିପାରନ୍ତି ଏବଂ ୟୁକ୍ରେନ ଉପରେ ଋଷିଆର ଆକ୍ରମଣକୁ ନେଇ ଆଲୋଚନା କରିପାରନ୍ତି । କିଛିଦିନ ତଳେ ୟୁକ୍ରେନ ସଙ୍କଟ ନେଇ ଭାରତର ବୈଦେଶିକ ମନ୍ତ୍ରୀ ଏସ ଜୟଶଙ୍କରଙ୍କ ସହ ଟେଲିଫୋନ ଯୋଗେ କଥା ହୋଇଥିଲେ ୟୁକେର ବୈଦେଶିକ ସଚିବ ।

ଗତ ୨୦୨୧ ଅକ୍ଟୋବର ମାସରେ ୨ ଦିନିଆ ଭାରତ ଗସ୍ତରେ ଆସିଥିଲେ ଲିଜ ଟ୍ରୁଜ । ଭାରତ ସହ ସହଭାଗିତା ନେଇ ସେ ବୈଦେଶିକ ମନ୍ତ୍ରୀଙ୍କ ଆଲୋଚନା କରିଥିଲେ। ଏନେଇ ଟ୍ରସ କହିଥିଲେ ଯେ ଆଗାମୀ ଦିନରେ ୨ ଦେଶ ଏକାଠି କାମ କରିବା ନେଇ ଆଲୋଚନା ହୋଇଥିଲା ।

@ANI