ସ୍ବିଡେନ: ସୁ-ସ୍ବାଦୁ ଭୋଜନ ପାଇଁ ଦୁନିଆରେ ରହିଛି ଅନେକ ପ୍ରକାରର ରେସ୍ତୋରାଁ । ଆଉ ଏହି ରେସ୍ତୋରାଁକୁ କେବଳ ମଣିଷମାନେ ହିଁ ଯାଇଥାନ୍ତି । କେବେ ଶୁଣିଛନ୍ତି କି କୌଣସି ପଶୁପକ୍ଷୀ ହୁଅନ୍ତୁ କିମ୍ବା କୀଟପତଙ୍ଗ ସେମାନଙ୍କ ପାଇଁ କେବେ ରେସ୍ତୋରାଁ ଖୋଲାଯିବାର । ଆଜ୍ଞା ହଁ, ସ୍ବିଡେନରେ ଖୋଲାଯାଇଛି ମହୁମାଛିଙ୍କ ପାଇଁ ରେସ୍ତୋରାଁ । କଥାଟା ଅଡୁଆ ଲାଗୁଥିଲେ ମଧ୍ୟ ସତ । ଆଉ ଏହାକୁ ଖୋଲିଛନ୍ତି ବିଶ୍ବର ସବୁଠୁ ଲୋକପ୍ରିୟ ଫାଷ୍ଟଫୁଡ ରେସ୍ତୋରାଁ ମ୍ୟାକଡୋନାଲ୍ସ ।
ମହୁମାଛିଙ୍କ ପାଇଁ ଖୋଲାଯାଇଥିବା ଏହି ସବୁଠୁ ଛୋଟ ଆଉଟଲେଟକୁ ମଧ୍ୟ ମ୍ୟାକ ହାଇଭ ବୋଲି କୁହାଯାଇଥାଏ । ଏହାକୁ ନିର୍ମାଣ କରିବାପରେ ଗଛରେ ଭର୍ତ୍ତି ହୋଇଥିବା ବଗିଚାରେ ମଧ୍ୟରେ ରଖାଯାଇଛି । ତେବେ ମ୍ୟାକଡୋନାଲ୍ସର ଏହି ଆଉଟଲେଟକୁ ଏକ ପ୍ରଫେସନାଲ ଡିଜାଇନର ନିର୍ମାଣ କରିଛନ୍ତି । ମହୁମାଛିଙ୍କର ସମସ୍ତ ସୁବିଧାକୁ ନଜରରେ ରଖି ଏହାକୁ ଡିଜାଇନ କରାଯାଇଛି ।