ନିୟମ ନମାନିଲେ ପୁଣି ବନ୍ଦ ହେବ ସମସ୍ତ ବିଚ୍‌: ଇଂଲଣ୍ଡ

ଦେଶରେ ଲକଡାଉନ କଟକଣା କୋହଳ ହେବାରେ ଲାଗିଥିବା ବେଳେ ଇଂଲଣ୍ଡବାସୀଙ୍କ ଖାମଖିଆଲି ନୀତି ବି ଦେଖିବାକୁ ମିଳୁଛି । ଦେଶରେ କଟକଣା କୋହଳ ହେବା ସତ୍ତ୍ବେ ମାସ୍କ ବ୍ୟବାହର ଓ ସାମାଜିକ ଦୂରତା ବଜାୟ ରଖିବାକୁ ବାଧ୍ୟତାମୂଳକ ରଖାଯାଇଛି । ତଥାପି ଅନେକ ସ୍ଥାନରେ ନାଗରିକ ଏହି ଦୁଇଟି ମୁଖ୍ୟ ନିୟମର ଉଲଙ୍ଘନ କରୁଥିବା ଦେଖାଯାଉଛି ।

ଲଣ୍ଡନ: ଦେଶରେ ଲକଡାଉନ କଟକଣା କୋହଳ ହେବାରେ ଲାଗିଥିବା ବେଳେ ଇଂଲଣ୍ଡବାସୀଙ୍କ ଖାମଖିଆଲି ନୀତି ବି ଦେଖିବାକୁ ମିଳୁଛି । ଦେଶରେ କଟକଣା କୋହଳ ହେବା ସତ୍ତ୍ବେ ମାସ୍କ ବ୍ୟବାହର ଓ ସାମାଜିକ ଦୂରତା ବଜାୟ ରଖିବାକୁ ବାଧ୍ୟତାମୂଳକ ରଖାଯାଇଛି । ତଥାପି ଅନେକ ସ୍ଥାନରେ ନାଗରିକ ଏହି ଦୁଇଟି ମୁଖ୍ୟ ନିୟମର ଉଲଙ୍ଘନ କରୁଥିବା ଦେଖାଯାଉଛି । ଯଦି ଏପରି ସ୍ଥିତି ଲାଗି ରୁହେ ତେବେ ଆଗାମୀ ଦିନରେ ସମସ୍ତ ବିଚ୍‌ ବନ୍ଦ କରିବା ପାଇଁ ସରକାରଙ୍କୁ ପରାମର୍ଶ ଦେବା ନେଇ ସ୍ପଷ୍ଟ କରିଛନ୍ତି ସ୍ବାସ୍ଥ୍ୟ ମନ୍ତ୍ରୀ ମ୍ୟାଟ ହ୍ୟାନକକ୍‌ ।

ସୂଚନା ଅନୁଯାୟୀ ବାରମ୍ବାର ସତର୍କ ସୂଚନା ସତ୍ତ୍ବେ ଗୁରୁବାର ବୋର୍ଣ୍ଣମାଉଥରେ ହଜାର ହଜାର ଲୋକଙ୍କ ଭିଡ ପରିଲକ୍ଷିତ ହୋଇଥିଲା । ଏହା ବର୍ଷର ସବୁଠାରୁ ଗରମ ଦିନ ହୋଇଥିବାରୁ ଏହି ଦିନ ଲୋକେ ଘରୁ ବାହାରି ସୂର୍ଯ୍ୟତାପ ଗ୍ରହଣ କରିଥାଆନ୍ତି । ଚଳିତବର୍ଷ ମଧ୍ୟ ଲୋକେ ଘରୁ ବାହାରି ରାସ୍ତାରେ ଭିଡ କରିଥିବା ଦେଖାଯାଇଥିଲା । ଏଥିରେ ସାମାଜିକ ଦୂରତ୍ବକୁ ଲୋକେ ଖୋଲାଖୋଲି ଅବମାନନା କରିଥିବା ଦେଖାଯାଇଥିଲା । ଏନେଇ ପୂର୍ବ ବୋର୍ଣ୍ଣମାଉଥ ସାଂସଦ ତୋବିଆସ ଏଲୱୁଡ କହିଥିଲେ କି ଗୁରୁବାର ଅପରାହ୍ନରେ ପ୍ରାୟ 5 ଲକ୍ଷ ଲୋକଙ୍କ ଭିଡ ରାସ୍ତା ଉପରେ ଦେଖିବାକୁ ମିଳିଥିଲା ।

ଏନେଇ ଖବର ପାଇବା ପରେ ଏକ ରେଡିଓ କାର୍ଯ୍ୟକ୍ରମରେ ସ୍ବାସ୍ଥ୍ୟମନ୍ତ୍ରୀ ହ୍ୟାନକକ୍‌ କହିଥିଲେ କି ଲୋକଙ୍କୁ ପରମ୍ପରା ପାଳନ କରିବା ପାଇଁ ଅନୁମତି ଦିଆଯାଇଥିଲା । ହେଲେ ଏତେ ଦିନର ପରିଶ୍ରମକୁ ବ୍ୟର୍ଥ କରି ଲୋକେ ବିନା ସାମାଜିକ ଦୂରତ୍ବ ପାଳନ କରିଥିବା ଦେଖାଯାଇଛି । ତେଣୁ ଆବଶ୍ୟକ ପଡିଲେ ସମସ୍ତ ବିଚ୍‌ ପୁଣି ବନ୍ଦ କରିବାର ଶକ୍ତି ସରକାର ରଖନ୍ତି ବୋଲି ହ୍ୟାନକକ୍‌ ଲୋକଙ୍କୁ ପୁଣି ମନେ ପକାଇଦେଇଥିଲେ ।

ବର୍ତ୍ତମାନ ସୁଦ୍ଧା ଦେଶରେ 3,09,455 ଜଣ ଆକ୍ରାନ୍ତ ରହିଥିବା ବେଳେ ମୃତ୍ୟୁ ସଂଖ୍ୟା 43,314ରେ ପହଞ୍ଚିଛି ।

@IANS