ଜେନେଭା: କୋରୋନା ଭାଇରସର ପ୍ରକୋପ ଏବେ ସମଗ୍ର ବିଶ୍ବରେ ଦେଖାଦେଇଛି । ଏନେଇ ମୁସଲିମ ସମ୍ପ୍ରଦାୟର ବାର୍ଷିକ ଧାର୍ମିକ ଯାତ୍ରା ହଜକୁ ତୀର୍ଥଯାତ୍ରୀ ସମିତି କରିବାର ନିଷ୍ପତ୍ତି ନେଇଛି ସାଉଦି ଆରବ । ତେବେ ସାଉଦି ଆରବର ଏହି ନିଷ୍ପତ୍ତିକୁ ବିଶ୍ବ ସ୍ବାସ୍ଥ୍ୟ ସଂଗଠନ ପକ୍ଷରୁ ସମର୍ଥନ କରାଯାଇଛି । କୋରୋନା ଭାଇରସ ମହାମାରୀ ସମୟରେ ସମସ୍ତ ଦେଶର ସ୍ବାସ୍ଥ୍ୟକୁ ପ୍ରାଥମିକତା ଦେବା ଉଚିତ ବୋଲି WHO କହିଛି ।
ଜେନେଭାରୁ ସମ୍ବୋଧିତ କରି WHO ମହାନିର୍ଦ୍ଦେଶକ ଟେଡ୍ରୋସ୍ ଆଡାନୋମ୍ ଗେବ୍ରେଏସସ୍ କହିଛନ୍ତି, ଲୋକଙ୍କ ବଡ଼ ସମାବେଶର ଆୟୋଜନ ସୁରକ୍ଷିତ ଭାବରେ କିପରି କରାଯିବ, ତାହା ଏବେ ଗୁରୁତ୍ୱପୂର୍ଣ୍ଣ । WHOର ମାର୍ଗଦର୍ଶନ ପରେ ବିପଦ ଏବଂ ବିଭିନ୍ନ ପରିସ୍ଥିତିର ବିଶ୍ଳେଷଣ କରି ସାଉଦି ଆରବ ଏକ ନିଷ୍ପତ୍ତି ନେଇଛି । ଯାହା ସ୍ବାଗତଯୋଗ୍ୟ ବୋଲି ସେ କହିଛନ୍ତି ।