ବ୍ୟାଙ୍ଗକକ୍:ଥାଇଲ୍ୟାଣ୍ଡରେ ସାମାଜିକ ଦୂରତା ଅନୁସରଣ କରିବା ପାଇଁ, ଏକ ରେସ୍ତୋରାଁରେ ସ୍ୱତନ୍ତ୍ର କୌଶଳ ଆପଣାଇଥିବା ଦେଖିବାକୁ ମିଳିଛି । ସଂକ୍ରମଣର ଆଶଙ୍କା କମାଇବା ପାଇଁ ଶକ୍ତ ନିୟମ ସହ ରେସ୍ତୋରାଁ ଗୁଡିକ ଖୋଲାଯାଇଛି । ରେସ୍ତୋରାଁକୁ ଆସୁଥିବା ଗ୍ରାହକ ମାନେ ପାଣ୍ଡା ନାମକ ଟେଡି ସହ ବସି ଖାଦ୍ୟ ପରସା ଯାଉଛି ।
ଥାଇଲ୍ୟାଣ୍ଡର ଏକ ରେସ୍ତୋରାଁ ପାଣ୍ଡା ସହିତ ଏହାର ଗ୍ରାହକମାନଙ୍କୁ ବସାଉଛି । ସାମାଜିକ ଦୂରତାକୁ କାର୍ଯ୍ୟକାରୀ କରିବା ଏବଂ ଲୋକଙ୍କ ବିରକ୍ତିକୁ ଦୂର କରିବା ପାଇଁ ସେ ଏପରି କରିଛନ୍ତି । ବ୍ୟାଙ୍ଗକକରେ ମାଇସନ ସାଇଗନ ନାମକ ଏକ ଭିଏତନାମି ରେସ୍ତୋରାଁ ଲକଡାଉନ ପରେ ଖୋଲିଛି । ରେସ୍ତୋଁରା ମାଲିକ ଚିନ୍ତାରେ ଥିଲେ ଯେ, ସୋସିଆଲ ଡିସଟାନ୍ସ ପାଇଁ ଗ୍ରାହକ ମାନେ ଖାଇବା ସମୟରେ ଏକୁଟିଆ ଅନୁଭବ କରିବେ । ତେଣୁ ସେ ଏକ ନୂତନ ଧାରଣାକୁ ଗ୍ରହଣ କରି ଏଭଳି ଏକ ପଦକ୍ଷେପ ନେଇଛନ୍ତି । ଯାହାଦ୍ୱାରା ରେସ୍ତୋରାଁ ସାମାନ୍ୟ ସ୍ଥିତି ଫେରିପାରିବ । ସେ କହିଛନ୍ତିଯେ, ଗୋଟିଏ ଟେବୁଲରେ ଜଣେ ମାତ୍ର ଗ୍ରାହକ ବସିବାର ବ୍ୟବସ୍ଥା କରାଯାଇଥିଲା । ସେହି ସ୍ଥିତିରେ ଗ୍ରାହକ ନିଜକୁ ଏକୁଟିଆ ଅନୁଭବ କଲେ ।