କାବୁଲ: ଦିନକୁ ଦିନ ବିଗିଡି ଚାଲିଛି ତାଲିବାନ କବଜାକୁ ଆସିସାରିଥିବା ଆଫଗାନ୍ତିସ୍ତାନ । ମଜାର-ଏ-ସରିଫ ଓ ଜଲାଲାବାଦ ଭଳି ବଡବଡ ସହରକୁ ନିଜ ଦଖଲକୁ ନେଇସାରିଥିବା ତାଲିବାନ ଏବେ ରାଜଧାନୀ କାବୁଲରେ ରଖିସାରିଛି ପାଦ । କାବୁଲ ଦଖଲ କରିବା ପରେ ବିଦେଶୀ ନାଗରିକଙ୍କ ପାଇଁ ନୂଆ ଆଦେଶ ଜାରି କରିଛି ତାଲିବାନ ।
ତାଲିବାନ ଆଫଗାନିସ୍ତାନକୁ ଯେତେ ଶୀଘ୍ର ଦଖଲ କରୁଛି, ସେତେ ଶୀଘ୍ର ସାଧାରଣ ନାଗରିକଙ୍କ ଉପରେ ଲାଗୁ ହେଉଛି ନୂଆ ପ୍ରତିବନ୍ଧକ । କାବୁଲ ଦଖଲ କରିବା ପରେ ବିଦେଶୀ ନାଗରିକଙ୍କୁ ରାଜଧାନୀ ଛାଡିବାକୁ ତାଲିବାନ ପକ୍ଷରୁ ଜାରି କରାଯାଇଛି ଆଦେଶ । ବିବୃତ୍ତି ଅନୁଯାୟୀ, କାବୁଲରେ ରହିବାକୁ ଚାହୁଁଥିବା ବିଦେଶୀମାନଙ୍କୁ ତାଲିବାନ ନିକଟରେ ପଞ୍ଜିକରଣ କରିବାକୁ ପଡ଼ିବ।