ବାଗଦାଦ: କିଛିଦିନର ବ୍ୟବଧାନ ପରେ ପୁଣି ତେଜିଛି ଇରାନ-ଆମେରିକା ବିବାଦ । ଇରାନ ଆମେରିକା ତିକ୍ତତା ମଧ୍ୟରେ ରବିବାର ପୁଣିଥରେ ଇରାକର ରାଜଧାନୀ ବାଗଦାଦ ସ୍ଥିତ ଆମେରିକୀୟ ଦୂତାବାସ ଉପରେ ରକେଟ ମାଡ ହୋଇଛି । ଆମେରିକା ସେନା ସହ ଜଡିତ ସୂତ୍ର ଏନେଇ ସୂଚନା ଦେଇଛନ୍ତି ।
ତେବେ ଯେଉଁ ଅଞ୍ଚଳରେ ରକେଡ ମାଡ ହୋଇଛି ସେଠାରେ କେତେକ ଏୟାରକ୍ରାଫ୍ଟ ଦେଖିବାକୁ ମିଳିଛି । ଏହି ଆକ୍ରମଣ ଗ୍ରୀନ ଜୋନରେ ହୋଇଛି, ଯେଉଁଠି ସମସ୍ତ ସରକାରୀ ଭବନ ରହିଛି । ଆମେରିକା ବ୍ୟତୀତ ଏହି ସ୍ଥାନରେ ଅନେକ ଦେଶର ଦୂତାବାସ ମଧ୍ୟ ରହିଛି । ତେବେ ଏହି ଆକ୍ରମଣ ପଛରେ ଇରାନର ହାତ ଥିବା ନେଇ ଏବେ ସୁଦ୍ଧା ସ୍ପଷ୍ଟ ହୋଇନାହିଁ ।