ନୂଆଦିଲ୍ଲୀ: ବିବାହ ବନ୍ଧନରେ ବାନ୍ଧିହେଲେ ନୋବେଲ ଶାନ୍ତି ପୁରସ୍କାର ବିଜେତା ମଲାଲା ୟୁସୁଫଜାଇ । ସେ ବିବହ କରିଥିବା ନେଇ ଟ୍ବିଟର ମାଧ୍ୟମରେ ସୂଚନା ଦେଇଛନ୍ତି ।
ଟ୍ବିଟରେ ଫଟୋ ପୋଷ୍ଟ କରି ମଲାଲା କହିଛନ୍ତି ଯେ, 'ଆଜି ମୋ ଜୀବନର ଏକ ମୂଲ୍ୟବାନ ଦିନ ଅଟେ । ଅସର୍ ଏବଂ ମୁଁ ଜୀବନର ସହଭାଗୀ ହେବାକୁ ପ୍ରତିଶ୍ରୁତି ବଦ୍ଧ ହେଲୁ । ଆମେ ବର୍ମିଂହାମରେ ଆମ ପରିବାର ସହିତ ଏକ ଛୋଟ ବିବାହ ସମାରୋହ ପାଳନ କରିଥିଲୁ । ଆମକୁ ଆଶୀର୍ବାଦ କରନ୍ତୁ । ଆଗକୁ ଏକାଠି ଯାତ୍ରା କରିବା ପାଇଁ ଉଭୟ ବେଶ୍ ଉତ୍କଣ୍ଠିତ ଅଛୁ ।'
ମଲାଲାଙ୍କୁ ଏବେ ମାତ୍ର ୨୪ ବର୍ଷ । ନାରୀ ଶିକ୍ଷା ପାଇଁ ପାକିସ୍ତାନୀ କାର୍ଯ୍ୟକର୍ତ୍ତା ତଥା ଇତିହାସର ସର୍ବକନିଷ୍ଠ ନୋବେଲ ପୁରସ୍କାର ବିଜେତା ହୋଇଥିଲେ ମଲାଲା । ତାଙ୍କୁ ୧୬ ବର୍ଷ ବୟସ ହୋଇ ଥିବାବେଳେ ସେ ଜାତିସଙ୍ଘ ମୁଖ୍ୟାଳୟରେ ଶିକ୍ଷା କ୍ଷେତ୍ରରେ ଲିଙ୍ଗଗତ ସମାନତାର ଆବଶ୍ୟକତା ଉପରେ ଭାଷଣ ଦେଇଥିଲେ ।
ତାଙ୍କ ଉପରେ ହୋଇଥିବା ଆକ୍ରମଣ ପରେ ପାକିସ୍ତାନ ଦେଶରେ ପ୍ରଥମ କରି ଶିକ୍ଷା ବିଲ୍ ପ୍ରଣୟନ କରିଥିଲା । ସେ ତାଙ୍କ ଆକ୍ରମଣ ଏବଂ ଏହାର ପରବର୍ତ୍ତୀ ଘଟଣା ବିଷୟରେ 'ଆଇ ଆମ୍ ମଲାଲା' ନାମକ ଏକ ପୁସ୍ତକ ପ୍ରକାଶ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
