ବେଜିଂ: ପ୍ରାଣଘାତକ ମାରାତ୍ମକ କୋରୋନା ଭାଇରାସ ଆଗରେ ନାଚାର ଚୀନ । ଦିନକୁ ଦିନ ସ୍ଥତି ସଙ୍କଟାପର୍ଣ୍ଣ ହେବାରେ ଲାଗିଛି । ହୁ ହୁ ହୋଇ ବଢି ଚାଲିଛି ମୃତ୍ୟୁ ସଂଖ୍ୟା, ଅଣାୟତ୍ତ ସଂକ୍ରମଣ ରିପୋର୍ଟ । ଏପରିସ୍ଥିତିରେ ଏହି ଜୀବନନାଶକ ଭାଇରସ କବଳରୁ ଜନଜୀବନ ରକ୍ଷା କରିବା ପାଇଁ ଜାରି ରହିଥିବା ପ୍ରୟାସର ଶ୍ରେୟ ଦେଶର ସମସ୍ତ ଡାକ୍ତରୀଦଳ ଓ ସ୍ୱାସ୍ଥ୍ୟକର୍ମୀଙ୍କୁ ମିଳୁଛି । ସଦ୍ୟ ଭାଇରାଲ ଏକ ଭିଡିଓ କୋରୋନା ସଂକ୍ରମଣରେ ସଫଳ ଚିକିତ୍ସା କରି ରୋଗୀଙ୍କୁ ଆରୋଗ୍ୟ କରିବାର ଖୁସିରେ ହସ୍ପିଟାଲର ଦୁଇ କର୍ମଚାରୀ ନାଚ କରୁଛନ୍ତି ।
ଭିଡିଓ ସୌଜନ୍ୟ: ଟ୍ବିଟର@PDChina
ଭିଡିଓ ଟିରେ ପୂର୍ବ ଚୀନର ଆନହୁଇ ହସ୍ପିଟାଲ ସାମ୍ନାରେ ଖୁସିରେ ଦୁଇ ଜଣ ମେଡିକାଲ ଆଟେଣ୍ଡାଣ୍ଟ ନାଚୁଥିବା ଦେଖିବାକୁ ମିଳୁଛି । ଦୁଇ ଆଟେଣ୍ଡାଣ୍ଟ ବାଲେଟ ଡ୍ୟାନ୍ସ କରୁଥିବା ଦେଖିବାକୁ ମିଳିଛି । ଏହାକୁ ଭିଡିଓଟି ସୋସିଆଲ ମିଡିଆରେ ଭାଇରାଲ ହେବା ସହ ୟୁଜର୍ସ ମାନେ ଏହି ଦୁଇ କର୍ମୀଙ୍କୁ ଦେବଦୂତ, ହିରୋ ଓ ପରୀଙ୍କ ସହ ତୁଳନା କରିଛନ୍ତି ।