ବେଜିଂ: ଚୀନ ରାଷ୍ଟ୍ରଦୂତ ସନ ୱେଇଡଙ୍ଗ ମଙ୍ଗଳବାର ଏକ ବିବୃତ୍ତିରେ କୋରୋନା ଭାଇରସ ଭଳି ଭୟଙ୍କର ମହାମାରୀ ବିରୋଧରେ ଜାରି ରହିଥିବା ଲଢେଇରେ ଚୀନର ବିଜୟ ସୁନିଶ୍ଚିତ ବୋଲି କହିଛନ୍ତି । ଏହାସହ ଏଭଳି କଷ୍ଟସାଧ୍ୟ ପରିସ୍ଥିତିରେ ଭାରତର ସହାୟତା ଲାଗି ସେ ଗଭୀର କୃତଜ୍ଞତା ଜଣାଇଛନ୍ତି ।
ଚୀନ ରାଷ୍ଟ୍ରଦୂତ କହିଛନ୍ତି ଯେ କୋରୋନା ଭାଇରସକୁ ନାଶ କରିବା ପାଇଁ ଜାରି ରହିଥିବା ଲଢେଇରେ ଚୀନର ବିଜୟ ସୁନିଶ୍ଚିତ । ଏହିସହ ଏଭଳି ପ୍ରତିକୂଳ ପରିସ୍ଥିତିରେ ଭାରତୀୟ ବନ୍ଧୁଙ୍କ ଉଦାରପଣିଆ ଓ ସହାୟତା ଚୀନକୁ ଗଭୀର ଭାବରେ ପ୍ରଭାବିତ କରିଛି । ଏହି ଘଟଣା ଡା.କୋଟିନସ ଚୀନରେ ଶତାଧିକ ଲୋକଙ୍କକ ପ୍ରାଣ ବଞ୍ଚାଇବା ପାଇଁ ନିଜ ଅମୂଲ୍ୟ ଯୋଗଦାନ ଦେବା କଥାକୁ ଉଜ୍ଜିବୀତ କରାଉଛି ବୋଲି କହିଛନ୍ତି ଚୀନ ରାଷ୍ଟ୍ରଦୂତ । ଭାରତ କୋରୋନା ମୁକାବିଲା ପାଇଁ ଯଥାସମ୍ଭବ ସହାୟତା ପ୍ରଦାନ କରିବା ପାଇଁ ଆଶ୍ବସନା ପ୍ରଦାନ କରିଛି ।