ବେଜିଂ: ଅସଭ୍ୟ ଆଚରଣ ଉପରେ ରୋକ ଲାଇଲା ବେଜିଂ । କାଶିବା କିମ୍ବା ଛିଙ୍କିବା ସମୟରେ ମୁହଁକୁ ଢାଙ୍କିବା ଜରୁରୀ । ସ୍ବଚ୍ଛତାକୁ ଦୃଷ୍ଟିରେ ରଖି ସମସ୍ତେ ପଦାକୁ ଗଲେ ମାସ୍କ ପିନ୍ଧିବା ପାଇଁ ବାଧ୍ୟତାମୂଳକ କରିଛି । ଏହାସହ ଯେଉଁମାନେ ନିୟମ ଉଲ୍ଲଙ୍ଘନ କରିବେ ସେମାନେ ତଣ୍ଡ ଗଣିବେ ବୋଲି ବେଜିଂ ପୌରପାଳିକା ୱେବସାଇଟରେ ଉଲ୍ଲେଖ କରିଛି ।
ଏହାସହ ସେଥିରେ ଉଲ୍ଲେଖ କରାଯାଇଛି ଯେ, ସର୍ବସାଧାରଣ ସ୍ଥାନ ଗୁଡିକରେ 1 ମିଟର ଦୂରତାରେ ଛିଡା ହେବା ପାଇଁ କୁହାଯାଇଛି । ଏହାସହ ସେୟାର ମିଲରେ ଅଲଗା ଚପ ଷ୍ଟିକ ଓ ଚାମଚ ଦେବା ପାଇଁ କୁହାଯାଇଛି । କେବଳ ଏତିକି ନୁହେଁ ଏହା ମଧ୍ୟ କୁହାଯାଇଛି ଯେ ବାହାରକୁ ଗଲେ ସ୍ବଚ୍ଛ ପୋଷାକ ପରିଧାନ କରିବେ । ପୁରୁଷମାନଙ୍କୁ ବିନା ସାର୍ଟରେ ବାହାରକୁ ଯିବାକୁ ବାରଣ କରାଯାଇଛି । ଏହାସହ ମହିଳାମାନେ ମଧ୍ୟ ବିକିନିରେ ବାହାରକୁ ଯିବା ପାଇଁ ମନାକରାଯାଇଛି ।