ଢାକା: ଆଣ୍ଟିଭାଇରାଲ ଡ୍ରଗ ରେମଡେସିଭିରର ପ୍ରଥମ ଜେନେରିକ ସଂସ୍କରଣ ପ୍ରସ୍ତୁତ କରିବାରେ ରେକର୍ଡ ସୃଷ୍ଟି କରିଛି ବାଂଲାଦେଶ । ଦେଶରେ ଥିବା ବେକ୍ସିମକୋ ଫାର୍ମାସ୍ୟୁଟିକାଲ ବିଶ୍ବର ପ୍ରଥମ କମ୍ପାନୀ ଭାବେ ଏହି ରେକର୍ଡ ହାସଲ କରିଛି । ଆମେରିକୀୟ ଗିଲିୟଡ ସାଇନ୍ସେସ ଦ୍ବାରା ମୂଳତଃ ପ୍ରସ୍ତୁତ ହୋଇଥିବା ଏହି ଆଣ୍ଟିଭାଇରାଲ ଡ୍ରଗର ପ୍ରଥମ ଜେନେରିକ ସଂସ୍କରଣ ପ୍ରସ୍ତୁତି ନେଇ ଶୁକ୍ରବାର ଜଣା ପଡିଛି ।
ପୂର୍ବରୁ ଦେଖାଦେଇଥିବା ଇବୋଲାର ନିରାକରଣ ପାଇଁ ଏହି ଆଣ୍ଟିଭାଇରାଲ ଡ୍ରଗ ରେମଡେସିଭିରକୁ ପ୍ରସ୍ତୁତ କରାଯାଇଥିଲା । ଇବୋଲା ଭୂତାଣୁ ଏନଜାଇମ ଦ୍ବାରା ଶରୀରର କୋଷରେ ପ୍ରବେଶ କରୁଥିବା ବେଳେ ଏହି ଏନଜାଇମକୁ ଆକ୍ରମଣ କରେ ରେମଡେସିଭିର । ତେବେ ବାଂଲାଦେଶର ବେକ୍ସିମକୋ ଦ୍ବାରା ପ୍ରସ୍ତୁତ ଏହି ଡ୍ରଗର ଜେନେରିକ ସଂସ୍କରଣ ଖୁବଶୀଘ୍ର ଦକ୍ଷିଣ ଏସିଆରେ ଅନ୍ୟ ରାଷ୍ଟ୍ରମାନଙ୍କୁ ପଠାଇବାର ଯୋଜନା ରହିଛି ।