ସିଓଲ: ଦକ୍ଷିଣ କୋରିଆ କମ୍ପାନୀ ସାମସଙ୍ଗ ନିଜର ଦୁଇଟି ନୂଆ ମଡେଲ ଲଞ୍ଚ କରିବାକୁ ଘୋଷଣା କରିଛି । କମ୍ପାନୀ ଅନୁସାରେ ଏବର୍ଷ ଶେଷ ଆଡକୁ ନୂଆ ଫୋନ୍ ଆସିପାରେ । ଉଭୟ ଫୋନ୍ ଫୋଲ୍ଡେବଲ ଏବଂ ଖୁବ୍ ଶସ୍ତାରେ ମିଳିବ ବୋଲି ଜଣାପଡିଛି । ଏଥିରୁ ଗୋଟିଏ ଫୋଲ୍ଡେବଲ ଫୋନ୍ ଆସନ୍ତା ବର୍ଷ ଆସିବ ବୋଲି ଖବର ରହିଛି ।
ଯଦି ସାମସଙ୍ଗ କମ୍ପାନୀ ଏହି ସ୍ମାର୍ଟଫୋନ୍ ବାହାର କରେ ତେବେ ମାର୍କେଟରେ ଏହା ଗାଲାକ୍ସି ସିରିଜର ସବୁଠାରୁ ଶସ୍ତା ଫୋଲ୍ଡେବଲ୍ ସ୍ମାର୍ଟଫୋନ୍ ହେବାକୁ ଯାଉଛି । କମ୍ପାନୀ ପକ୍ଷରୁ ଗାଲାକ୍ସି ଫୋଲ୍ଡ 2 ଏବଂ 5ଜିକୁ ସପୋର୍ଟ କରୁଥିବା ଗାଲାକ୍ସି ଜେଡ୍ ଫ୍ଲିପ୍ ଲଞ୍ଚ ହେବାର ଯୋଜନା ରହିଛି । ଅଗଷ୍ଟ ମାସରେ ଏହାସହ ଗାଲାକ୍ସି ନୋଟ୍ 20 ସିରିଜ୍ ମଧ୍ୟ ଆସିବାକୁ ଯାଉଛି । ତେବେ ଏହି ଉତ୍ସବରେ ସବୁଠାରୁ ଶସ୍ତା ଫୋଲ୍ଡେବଲ ଫୋନ୍ ଗାଲାକ୍ସି ଫୋଲ୍ଡ ଲାଇଟ୍ ଲଞ୍ଚ ନହୋଇପାରେ ବୋଲି ଖବର ରହିଛି । ଏହାର ଦାମ୍ ସାଧାରଣ ଗାଲାକ୍ସି ଫୋନ୍ ଠାରୁ କମ ରହିବ ବୋଲି ଆଶା କରାଯାଇଛି ।