ବେଜିଂ: କୋରୋନା ପ୍ରଭାବ ସାମାନ୍ୟ ସୁଧୁରିଥିବାବେଳେ ଚୀନରେ ଦେଖାଦେଇଛି ଆତଙ୍କର ରାଜ । ଗୁରୁବାର ସ୍ଥାନୀୟ ଗୁଆଙ୍ଗସି ଜୁଆଙ୍ଗ ସ୍ବୟଂଚାଳିତ ପ୍ରାନ୍ତରେ ଏକ କିଣ୍ଡରଗାର୍ଟେନରେ ଛୁରୀରେ ଆକ୍ରମଣ ହୋଇଥିବା ଜଣାପଡିଛି । ସମ୍ପୃକ୍ତ ଘଟଣାରେ କିଣ୍ଡରଗାର୍ଟେନର 37 ଜଣ ଶିଶୁ ଓ 2 ଜଣ ଶିକ୍ଷକ ଶିକ୍ଷୟିତ୍ରୀ ଆହତ ହୋଇଥିବା ଜଣାପଡିଛି ।
ଘଟଣାରେ କିଣ୍ଡରଗାର୍ଟେନର ଜଣେ ସୁରକ୍ଷାକର୍ମୀ ସମ୍ପୃକ୍ତ ଥିବା ଜଣାପଡିଛି । କିଣ୍ଡରଗାର୍ଟେନଟି କାଙ୍ଗବୁ କାଉଣ୍ଟିର ସେଣ୍ଟ୍ରାଲ ସ୍କୁଲ ଅଫ ୱାଙ୍ଗଫୁ ଟାଉନସିପ୍ ଅନ୍ତର୍ଭୁକ୍ତ ରହିଥିବା ସୂଚନା ରହିଛି । ତେବେ ଆକ୍ରମଣରେ ଆହତ ସମସ୍ତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ ଦୁଇ ଜଣଙ୍କ ସ୍ବାସ୍ଥ୍ୟାବସ୍ଥା ସଙ୍କଟାପନ୍ନ ରହିଥିବା ଜଣା ପଡିଛି ।