ଆଫଗାନିସ୍ତାନ ସୁରକ୍ଷାକର୍ମୀଙ୍କୁ ବଡ ସଫଳତା: 254 ଆତଙ୍କୀ ନିହତ, ୯୭ ଆହତ

ଆଫଗାନିସ୍ତାନରେ ସୁରକ୍ଷାକର୍ମୀଙ୍କ ଗୁଳିରେ ଟଳିଲେ 254 ତାଲିବାନୀ । ଏହାସହ ୯୭ ଜଣ ଆହତ ହୋଇଥିବା ସୂଚନା । ଅଧିକ ପଢନ୍ତୁ...

କାବୁଲ:ଆଫଗାନିସ୍ତାନରେ ସୁରକ୍ଷାକର୍ମୀଙ୍କ ଗୁଳିରେ ଟଳିଲେ 254 ତାଲିବାନୀ । ଏହାସହ ୯୭ ଜଣ ଆହତ ହୋଇଛନ୍ତି । ଏନେଇ ଆଫଗାନିସ୍ତାନ ପ୍ରତିରକ୍ଷା ମନ୍ତ୍ରଣାଳୟ ତରଫରୁ ସୂଚନା ଦିଆଯାଇଛି । ଆଫଗାନିସ୍ତାନ ସୁରକ୍ଷା ବାହିନୀ ଗଜନି, କାନ୍ଦାହାର, ହେରାଟ, ଫରାହ, ଜୋଜଓ୍ବାନ, ବାଲଖ, ସାମାଙ୍ଗନ, ହେଲମାଣ୍ଡ, ତାଖର, କୁଣ୍ଡୁଜ, ବାଗଲାନ, କାବୁଲ ଏବଂ କପିସାରେ ତାଲିବାନ ଆତଙ୍କବାଦୀଙ୍କୁ ନିପାତ କରିବା ପାଇଁ ଅପରେସନ ଆରମ୍ଭ କରିଥିଲା । ତାଲିବାନ ଆତଙ୍କୀ ଓ ସୁରକ୍ଷାକର୍ମୀଙ୍କ ମଧ୍ୟରେ ପ୍ରତିପକ୍ଷକୁ ଆକ୍ରମଣ କରିଥିଲା ।

ଗତ 24 ଘଣ୍ଟା ମଧ୍ୟରେ 254 ତାଲିବାନ ଆତଙ୍କବାଦୀ ନିହତ ହୋଇଥିଲା ବେଳେ 97 ଜଣ ଆହତ ହୋଇଥିଲେ । ଘଟଣାସ୍ଥଳରୁ ୧୩ଟି ଆଇଡିକୁ ଉଦ୍ଧାର କରାଯାଇ ନିଷ୍କ୍ରିୟ କରାଯାଇଛି । ଏନେଇ ଆଫଗାନିସ୍ତାନ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଟୁଇଟ ଯୋଗେ ସୂଚନା ଦିଆଯାଇଛି ।

ଗତ କିଛି ସପ୍ତାହ ମଧ୍ୟରେ ତାଲିବାନ ଆତଙ୍କବାଦୀ ଆଫଗାନିସ୍ତାନର ଉତ୍ତର-ପୂର୍ବ ପ୍ରଦେଶର ତାଖର ସମେତ ଅନେକ ଜିଲ୍ଲାରେ ପ୍ରବେଶ କରିଥିଲେ । ଏହାସହ 193ରୁ ଅଧିକ ଜିଲ୍ଲା ଏବଂ 19ଟି ସୀମାକୁ ଦଖଲ ମଧ୍ୟ କରିନେଇଥିଲେ । କୁଣ୍ଡୁଜ୍, ବାଦାଖଶାନ୍, ହେରାଟ ଏବଂ ଫରାହ ପ୍ରଦେଶର 10 ଟି ସୀମା କ୍ରସିଂ ପଏଣ୍ଟକୁ ନିୟନ୍ତ୍ରଣ କରିନେଇଥିଲେ ।

ଏହାପୂର୍ବରୁ ଏପ୍ରିଲ 14 ଠାରୁ ପ୍ରାୟ 4,000 ଆଫଗାନିସ୍ତାନ ଜାତୀୟ ପ୍ରତିରକ୍ଷା ଏବଂ ସୁରକ୍ଷା ବାହିନୀ (ଏଏନଡିଏସଏଫ ) କର୍ମଚାରୀଙ୍କ ମୃତ୍ୟୁ ଘଟିଛି । 7,000ରୁ ଅଧିକ ଆହତ ହୋଇଛନ୍ତି । ଏବଂ ପ୍ରାୟ 1600 ତାଲିବାନ ଦ୍ୱାରା ଧରା ପଡିଛନ୍ତି । ଏହି ହିଂସାରେ ମହିଳା ଓ ଶିଶୁଙ୍କ ସମେତ 2,000 ସାଧାରଣ ନାଗରିକ ପ୍ରାଣ ହରାଇଥିବା ବେଳେ 2,200 ଆହତ ହୋଇଛନ୍ତି।

ବ୍ୟୁରୋ ରିପୋର୍ଟ,ଇଟିଭି ଭାରତ