ଆଫଗାନିସ୍ତାନରେ ଏୟାର ଷ୍ଟ୍ରାଇକ, 25 ତାଲିବାନ ଆତଙ୍କବାଦୀ ନିହତ

ଆଫଗାନିସ୍ତାନର ଉତ୍ତର ବଲ୍‌ଖ ପ୍ରାନ୍ତରେ ବୁଧବାର ମଧ୍ୟରାତ୍ରିରେ ଏୟାରଷ୍ଟ୍ରାଇକ ହୋଇଛି । ଘଟଣାରେ 25 ଜଣ ତାଲିବାନ ଆତଙ୍କବାଦୀ ନିହତ ହୋଇଛନ୍ତି ।

କାବୁଲ : ଆଫଗାନିସ୍ତାନର ଉତ୍ତର ବଲ୍‌ଖ ପ୍ରାନ୍ତରେ ବୁଧବାର ମଧ୍ୟରାତ୍ରିରେ ଏୟାରଷ୍ଟ୍ରାଇକ ହୋଇଛି । ଘଟଣାରେ 25 ଜଣ ତାଲିବାନ ଆତଙ୍କବାଦୀ ନିହତ ହୋଇଥିବା ରାଜ୍ୟପାଳଙ୍କ ମୁଖପାତ୍ର ମୁନୀର ଅହମଦ ଫରହାଦ ସୂଚନା ଦେଇଛନ୍ତି । ଏହି ଏୟାର ଷ୍ଟ୍ରାଇକ ବଲଖ ଜିଲ୍ଲାର ଦାବଲତ ଅବାଦ ଗ୍ରାମରେ ହୋଇଛି ।

ଆଫଗାନିସ୍ତାନ ବାୟୁସେନା ଗ୍ରାମର ଜଣେ ଚାଷୀଙ୍କ ଘରେ ଟାର୍ଗେଟ କରି ଏହି ଏୟାର ଷ୍ଟ୍ରାଇକ କରିଥିବା ସ୍ଥାନୀୟ ସୂତ୍ରରୁ ପ୍ରକାଶ ପାଇଛି । ଏହି ଘଟଣାରେ ଜଣେ ଶିଶୁ ଏବଂ ମହିଳାଙ୍କ ସମେତ 4 ଜଣଙ୍କର ମୃତ୍ୟୁ ହୋଇଥିବା କୁହାଯାଉଛି । କିନ୍ତୁ ଫରହାଦ ଏବଂ 209ତମ ସାହିନ ସୈନ୍ୟ ବାହିନୀର ଅଧିକାରୀ ଏହି ଖବରକୁ ଖାରଜ କରିଛନ୍ତି । ସେପଟେ ତାଲିବାନ ପକ୍ଷରୁ ଏନେଇ ଏବେସୁଦ୍ଧା କୌଣସି ବୟାନ ଜାରି ହୋଇନାହିଁ ।