କାବୁଲ: ଦକ୍ଷିଣ ଆଫଗାନିସ୍ତାନରେ ଭୟଙ୍କର ବିମାନ ଆକ୍ରମଣ । ହେଲମଣ୍ଡ ପ୍ରାନ୍ତର ରାଜଧାନୀ ଲସ୍କର ଗାହ ଇଲାକାରେ ତାଲିବାନ ଆତଙ୍କବାଦୀଙ୍କ ସହ ସଂଘର୍ଷ ବେଳେ ଭୁଲରେ ହୋଇଥିବା ବିମାନ ଆକ୍ରମଣରେ ୧୭ ଜଣ ଆଫଗାନିସ୍ତାନ ପୋଲିସ କର୍ମୀଙ୍କ ମୃତ୍ୟୁ ହେବା ସହ 14 ଜଣ ଗୁରୁତର ଆହତ ହୋଇଛନ୍ତି ।
ଏହି ଘଟଣାରେ ଆଫଗାନ ପ୍ରାନ୍ତୀୟ ପରିଷଦ ମୁଖ୍ୟ ଉତାଉଲ୍ଲା ଆଫ୍ଗାନ କହିଛନ୍ତି ଯେ ଲସ୍କର ଗାହ ସହର ନିକଟରେ ବୁଧବାର ତାଲିବାନ ଆତଙ୍କବାଦୀ ଓ ଆଫଗାନ ପୋଲିସ୍ଙ୍କ ମଧ୍ୟରେ ସଂଘର୍ଷ ସମୟରେ ଭୁଲ ବଶଃତ ଏହି ବିମାନ ଆକ୍ରମଣ ହୋଇଥିଲା । ଏଥିରେ 17 ପୋଲିସ କର୍ମୀଙ୍କ ମୃତ୍ୟୁ ହୋଇଥିବା ବେଳେ 14 ଗୁରୁତର ଆହତ ହୋଇଛନ୍ତି ।