ଜଳିଗଲା ଆମେରିକାର ଯୁଦ୍ଧ ବିମାନ ‘ଏଫ୍16’

କାଲିଫର୍ଣ୍ଣିଆରେ ଗୋଦାମଗୃହ ପାଖରେ ଦୁର୍ଘଟଣାଗ୍ରସ୍ତ ହୋଇ ଜଳିଗଲା ଯୁଦ୍ଧ ବିମାନ ଫାଲକୋନି ଏଫ-16 ।

କାଲିଫର୍ଣ୍ଣିଆ: ଜଳିଯାଇଛି ଆମେରିକାର ଲଢୁଆ ଯୁଦ୍ଧ ବିମାନ 'ଫାଲକୋନି ଏଫ୍-16' । ମାର୍ଚ୍ଚ ସେନା ବେସ ନିକଟରେ ଶୁକ୍ରବାର ଘଟିଛି ଏପରି ଅଘଟଣ ।

ଏହି ଦୁର୍ଘଟଣାରେ ବିମାନ ଚାଳକଙ୍କର କୌଣସି କ୍ଷତି ହୋଇନଥିବା କହିଛନ୍ତି ନିର୍ଦ୍ଦେଶକ ପେରି କୋବିଙ୍ଗଟନ । ଦୁର୍ଘଟଣାର କାରଣ କଣ ଏବଂ ଏହା କଣ ପାଇଁ ଘଟିଲା ତାହାର ତଦନ୍ତ ଆରମ୍ଭ ହୋଇଛି । ଯଥାଶୀଘ୍ର ଏହାର ରିପୋର୍ଟ ପ୍ରକାଶ ପାଇବ ବୋଲି ସେ କହିଛନ୍ତି ।

କାଲିଫର୍ଣ୍ଣିଆରେ ରାଜମାର୍ଗ ବିଭାଗ ଦୁର୍ଘଟଣା ହୋଇଥିବା ସ୍ଥାନରୁ ଉତ୍ତର ପୂର୍ବ ଓ ଦକ୍ଷିଣ ପୂର୍ବ ରାସ୍ତାକୁ ବନ୍ଦ କରିଦିଆଯାଇଛି ।