ୱାଶିଂଟନ୍: ଏଟାର ତାଣ୍ଡବ ଲୀଳା । କେନ୍ଦ୍ରୀୟ ଆମେରିକାରେ ଧ୍ବଂସ ଲୀଳା ରଚି କ୍ୟୁବା ଆଡକୁ ଯାଇଥିବା ଟ୍ରପିକାଲ୍ ଝଡ ଏଟା ପ୍ରଭାବରେ ହୋଣ୍ଡୁରାସରେ 26 ଜଣଙ୍କର ମୃତ୍ୟୁ ଘଟିଛି । ଏବଂ ପ୍ରଭାବରେ ଅନ୍ୟ 4 ଜଣ ନିଖୋଜ ଅଛନ୍ତି । ଏନେଇ ଦେଶର ବିପର୍ଯ୍ୟୟ ପ୍ରଶମନ ଏଜେନ୍ସି ରବିବାର କହିଛି ।
ଗୁରୁବାର ରାତିରେ ଘୂର୍ଣ୍ଣିବଳୟ ହୋଣ୍ଡୁରାସ ଅଞ୍ଚଳରୁ ବାହାରିବା ପରେ ପୁନରୁଦ୍ଧାର ଦଳ ଲୋକଙ୍କୁ ବନ୍ୟା ପରିସ୍ଥିତିରୁ ଉଦ୍ଧାର କରିବା ପାଇଁ କାର୍ଯ୍ୟ କରୁଛନ୍ତି ବୋଲି ସ୍ଥାୟୀ କଣ୍ଟିଜେନ୍ସି କମିଶନ କହିଛନ୍ତି । ଏହା ପ୍ରଭାବରେ 1.7 ମିଲିୟନରୁ ଅଧିକ ଲୋକ ପ୍ରଭାବିତ ହୋଇଛନ୍ତି ।
ବର୍ତ୍ତମାନ ସୁଦ୍ଧା ହୋଣ୍ଡୁରାସରେ 26,795 ଲୋକଙ୍କୁ ଉଦ୍ଧାର କରାଯାଇଛି, 68 ଟି ସମ୍ପ୍ରଦାୟରେ 65,912 ଜଣଙ୍କୁ ନିଜ ସମ୍ପ୍ରଦାୟରୁ ଅଲଗା ରଖାଯାଇଛି । ଏବଂ 57,258 ଜଣଙ୍କୁ 175 ଆଶ୍ରୟସ୍ଥଳକୁ ସ୍ଥାନାନ୍ତର କରାଯାଇଛି । ଏଟା ଯୋଗୁଁ ପ୍ରବଳ ବର୍ଷା ହେତୁ 21ଟି ସେତୁ ନଷ୍ଟ ହୋଇଛି । ସେହିପରି 2,384 ଘର ଏବଂ 100 ଟି ରାସ୍ତାକୁ ନଷ୍ଟ କରିଦେଇଛି |
ବର୍ତ୍ତମାନ ସମୟରେ ପରିସ୍ଥିତି ଏତେ ଭୟଙ୍କର ଯେ, ବନ୍ୟା ଜଳରୁ ନିସ୍ତାର ପାଇବାକୁ ଲୋକମାନେ ନିଜର ଘରର ଛାତ ଉପରେ ଆଶ୍ରୟ ନେଇଛନ୍ତି । ଜଳସ୍ତର କମିଯିବାରୁ ଉଦ୍ଧାରକାରୀମାନେ ପୀଡିତଙ୍କ ମୃତଦେହ ପାଇଥିଲେ ।
ଏଲ ସାଲଭାଡୋରର ଗ୍ରୀନ୍ କ୍ରସ୍ର ଏକ ଟିମ୍ ରବିବାର ଦିନ ହୋଣ୍ଡୁରାସରେ ଉଦ୍ଧାର କାର୍ଯ୍ୟରେ ଯୋଗ ଦେଇଥିବା ବେଳେ ଗୁଆଟେମାଲାର ଏକ ହେଲିକପ୍ଟର ଶୁକ୍ରବାର ଠାରୁ ପୀଡିତାଙ୍କୁ ଖୋଜିବାରେ ସାହାଯ୍ୟ କରୁଛି । ସ୍ଥାନୀୟ ଗଣମାଧ୍ୟମ ଅନୁଯାୟୀ, ମଧ୍ୟ ଆମେରିକାରେ ଏଟା ଦ୍ବାରା ଅତି କମରେ 100 ଜଣଙ୍କର ମୃତ୍ୟୁ ଘଟିଛି ।