ବାରରେ ଗୁଳିକାଣ୍ଡ, 11 ମୃତ

ଉତ୍ତର-ବ୍ରାଜିଲର ଏକ ବାରରେ ରବିବାର କିଛି ବନ୍ଧୁକଧାରୀ ଆଖିବୁଜା ଗୁଳି ବର୍ଷଣ କରିଛନ୍ତି । ଏଥିରେ ପାଖାପାଖି 11 ଜଣଙ୍କର ମୃତ୍ଯୁ ଘଟିଛିି ।

ରିଓ: ଉତ୍ତର-ବ୍ରାଜିଲର ଏକ ବାରରେ ରବିବାର କିଛି ବନ୍ଧୁକଧାରୀ ଆଖିବୁଜା ଗୁଳି ବର୍ଷଣ କରିଛନ୍ତି । ଏଥିରେ ପାଖାପାଖି 11 ଜଣଙ୍କର ମୃତ୍ଯୁ ଘଟିଥିବା ସୂଚନା ରହିଛି । ଘଟଣାଟି ବ୍ରାଜିଲର ବେଲମ ସହରରେ ଘଟିଛି ।

ସୂଚନା ମୁତାବକ, 7 ଜଣ ସଶସ୍ତ୍ର ବ୍ୟକ୍ତି ମୋଟରସାଇକଲ ଏବଂ 3 ଟି କାର ଯୋଗେ ଉକ୍ତ ବାରରେ ପହଞ୍ଚିଥିଲେ । ଏହା ପରେ ବାର ପରିସର ମଧ୍ୟକୁ ପଶି ଗୁଳି ଚଳାଇଥିଲେ ।

ତେବେ ଆକ୍ରମଣକାରୀଙ୍କ ମଧ୍ୟରୁ ଜଣଙ୍କୁ ଗିରଫ କରାଯାଇଥିବା ବେଳେ ଅନ୍ୟମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ସେପଟେ ଆକ୍ରମଣର ଅସଲି କାରଣ ଏବେ ସୁଦ୍ଧା ସ୍ପଷ୍ଟ ହୋଇନାହିଁ ।