ସାନ ଫ୍ରାନ୍ସିସ୍କୋ: ଡେସ୍କଟପ, ଲାପଟପ ଓ ଟାବଲେଟ ୟୁଜର୍ସଙ୍କ ପାଇଁ ୱିଣ୍ଡୋଜ 10 ଅପରେଟିଂ ସିଷ୍ଟମର ଅପଡେଟ ସହ ଏକ ନୂଆ ଭର୍ସନ ଲଞ୍ଚ କରିଛି ମାଇକ୍ରୋସଫ୍ଟ । ରବିବାର ଏନେଇ ବିଧିବଦ୍ଧ ଘୋଷଣା ସହ ଏହି ଅପଡେଟରେ ରହିଥିବା କିଛି ସମସ୍ୟାର ତାଲିକା ପ୍ରକାଶ କରିଛି ।
ୱିଣ୍ଡୋଜ 10 ମେ’ 2020 ଅପଡେଟ ନାମରେ ଆସିଥିବା ଏହି ନୂଆ ଭର୍ସନ ୱିଣ୍ଡୋଜ 10ରେ ଥିବା ଲାଟେଷ୍ଟ ଅପଡେଟ । ହେଲେ ଏହି ଲାଟେଷ୍ଟ ଭର୍ସନରେ କିଛି ସମସ୍ୟା ଥିବା ନେଇ କମ୍ପାନୀ ସ୍ପଷ୍ଟ କରିଛି । ତେଣୁ କୌଣସି ୟୁଜର ତରବରିଆ ଭାବେ କିଛି ନୂଆ ସଫ୍ଟଓୱାର ଡାଉନଲୋଡ ନକରିବା ପାଇଁ ମାଇକ୍ରୋସଫ୍ଟ ଚେତାଇ ଦେଇଛି । ଏନେଇ express.co.ukର ସୂଚନା ମୁତାବକ ନୂଆ ଅପଡେଟରେ କିଛି ଗ୍ଲିଚ ରହିଥିବାରୁ ଏହାକୁ ଆଦୌ ଅପଡେଟ ନକରିବା ପାଇଁ କମ୍ପାନୀ କହୁଛି ।