କୋଭିଡ ମୁକାବିଲା ପାଇଁ 12 ଜଣିଆ ଟାସ୍କଫୋର୍ସ ଗଠନ କଲେ ବାଇଡେନ୍

ଆମେରିକାର ନୂତନ ରାଷ୍ଟ୍ରପତି ଭାବେ ନିର୍ବାଚିତ ଜୋ ବାଇଡେନ । ବିଜୟର ଗୋଟେ ଦିନ ପରେ ପ୍ରଥମ ଶତ୍ରୁ କୋରୋନା ସହ ଲଢିବାକୁ ପ୍ରସ୍ତୁତି କରୁଛନ୍ତି ବାଇଡେନ୍ । ଅଧିକ ପଢନ୍ତୁ...

ୱାଶିଂଟନ: ଆମେରିକାର ନୂତନ ରାଷ୍ଟ୍ରପତି ଭାବେ ନିର୍ବାଚିତ ଜୋ ବାଇଡେନ । ନିର୍ବାଚୀତ ହେବାର ଗୋଟେ ଦିନ ପରେ ପ୍ରଥମ ଶତ୍ରୁ କୋରୋନା ସହ ଲଢିବାକୁ ପ୍ରସ୍ତୁତି କରୁଛନ୍ତି ବାଇଡେନ୍ । ଏକ 12 ଜଣିଆ କୋରୋନା ଭାଇରସ୍ ଟାସ୍କଫୋର୍ସ ଘୋଷଣା କରିଛନ୍ତି ସେ । ଏହି ମହାମାରୀ ଆମେରିକାର ଲକ୍ଷ ଲକ୍ଷ ଲୋକଙ୍କୁ ସଂକ୍ରମିତ କରିଛି ଏବଂ ଅର୍ଥନୀତିକୁ କ୍ଷତି ପହଞ୍ଚାଇଛି।

ଡେଲାୱେରର ୱିଲମିଙ୍ଗଟନରେ ତାଙ୍କ ବିଜୟ ଅଭିଭାଷଣରେ ବାଇଡେନ୍ କହିଛନ୍ତି ଯେ ଏହି ମହାମାରୀକୁ ଘେରିବା ପାଇଁ ସେ ସମସ୍ତ ପ୍ରକାର ପଦକ୍ଷେପ ଗ୍ରହଣ କରିବେ । ପ୍ରସ୍ତୁତ ହୋଇଥିବା ପ୍ୟାନେଲ୍ କୋରୋନା ଭାଇରସ ଯୁଦ୍ଧ ଯୋଜନାକୁ ଏକ ଆକ୍ସନ୍ ବ୍ଲୁ ପ୍ରିଣ୍ଟରେ ପରିଣତ କରିବ । ପୂର୍ବତନ ସର୍ଜନ ଜେନେରାଲ ବିବେକ ମୁର୍ତ୍ତୀ, ଖାଦ୍ୟ ଏବଂ ଔଷଧ ପ୍ରଶାସନର ପୂର୍ବତନ କମିଶନର ଡେଭିଡ କେସଲର ଏବଂ ୟେଲ ବିଶ୍ବବିଦ୍ୟାଳୟର ଜନସ୍ବାସ୍ଥ୍ୟ ବିଭାଗର ପ୍ରଫେସର ମାର୍ସେଲା ନ୍ୟୁନେଜ-ସ୍ମିଥଙ୍କ ଅଧ୍ୟକ୍ଷତାରେ ଟାସ୍କଫୋର୍ସ କାର୍ଯ୍ୟ କରିବେ।

ଏଥିରେ ଓବାମା ପ୍ରଶାସନର ପୂର୍ବତନ ସ୍ବାସ୍ଥ୍ୟ ପରାମର୍ଶଦାତା ଇଜେକେଲ ଇମାନୁଏଲ ମଧ୍ୟ ସାମିଲ ହେବେ। ଏହି ଭୂତାଣୁ ଆମେରିକାରେ 9.8 ନିୟୁତ ଲୋକଙ୍କୁ ସଂକ୍ରମିତ କରିଛି ଏବଂ ଦୈନିକ ମାମଲା ସଂଖ୍ୟା ବଢିବାରେ ଲାଗିଛି।