ୱାଶିଂଟନ: ଆମେରିକା ରାଷ୍ଟ୍ରପତି ନିର୍ବାଚନର ଭୋଟ ଗଣତି ଜାରି ରହିଛି । ପ୍ରାଥମିକ ରିପୋର୍ଟ ମୁତାବାକ ଡେମୋକ୍ରାଟିକ ପାର୍ଟିର ରାଷ୍ଟ୍ରପତି ପ୍ରାର୍ଥୀ ଜୋ ବାଇଡେନ 220 ଇଲେକ୍ଟୋରାଲ ଭୋଟରେ ଆଗରେ ରହିଛନ୍ତି । ଆମେରିକାର ରାଷ୍ଟ୍ରପତି ତଥା ରିପବ୍ଲିକାନର ପ୍ରାର୍ଥୀ ଡୋନାଲ୍ଡ ଟ୍ରମ୍ପ 213ରେ ସହ ପଛରେ ରହିଛନ୍ତି । ଜୋ ବାଇଡେନ ଓ ଟ୍ରମ୍ପଙ୍କ ମଧ୍ୟରେ କଡା ଟକ୍କର ଦେଖିବାକୁ ମିଳୁଛି । ଏହି ନିର୍ବାଚନରେ ଭାରତୀୟ ବଂଶୋଦ୍ଭବ ଡେମୋକ୍ରାଟିକ କଂଗ୍ରେସର ରାଜା କ୍ରିଷ୍ଣମୂର୍ତ୍ତୀ ଲଗାତାର 3ୟ ଥର ପାଇଁ ହ୍ବାଇଟ ହାଉସକୁ ନିର୍ବାଚିତ ହୋଇଛନ୍ତି ।
ନୂଆଦିଲ୍ଲୀରେ ଜନ୍ମିତ ରାଜା କ୍ରିଷ୍ଣମୂର୍ତ୍ତୀ(47) ଲିବର୍ଟାରିଆନ୍ ପାର୍ଟିର ପ୍ରେଷ୍ଟନ୍ ନେଲସନଙ୍କୁ ସହଜରେ ପରାସ୍ତ କରିଛନ୍ତି । ଭୋଟିଂର ଶେଷ ପର୍ଯ୍ୟାୟ ପର୍ଯ୍ୟନ୍ତ ତାଙ୍କୁ 71 ପ୍ରତିଶତ ଭୋଟ ମିଳିଥିଲା । ରାଜା କ୍ରିଷ୍ଣମୂର୍ତ୍ତୀଙ୍କ ବାପାମାଆ ତାମିଲନାଡୁରେ ରୁହନ୍ତି । ସେ ପ୍ରଥମ ଲାଗି 2016ରେ ହ୍ବାଇଟ ହାଉସ ପାଇଁ ପ୍ରତିନିଧିତ୍ବ କରିଥିଲେ ।