ୱାଶିଂଟନ: କୋଭିଡ 19 ଯୋଗୁଁ ଅନେକ ସେକ୍ଟରରେ ସମସ୍ୟା ଦେଖାଦେଇଛି । ବିଭିନ୍ନ କମ୍ପାନୀ ବିପୁଳ କ୍ଷତି ସହିଛନ୍ତି । ହେଲେ ଏହି ସମୟରେ ଅନଲାଇନ ଭିଡିଓ କଲର ଚାହିଦା ବଢିଛି ଏବଂ ଏହା ବହୁତ ଲାଭ ପାଇଛି । ରିପୋର୍ଟ ଅନୁସାରେ ଭିଡିଓ କଲିଂ ଆପ୍ ଗୁଗଲ ମିଟ୍ ଡାଉନଲୋଡ୍ 50 ମିଲିୟନ ପାର କରିଛି ।
କୋରୋନା ଯୋଗୁଁ ଅନେକ ଲୋକ ଓ କମ୍ପାନୀ ବିଭିନ୍ନ ଗୁରୁତ୍ବପୂର୍ଣ୍ଣ ମିଟିଂ ବାତିଲ କରିଛନ୍ତି । ସାମନାସାମନି ବୈଠକ କରିବା ଅସମ୍ଭବ ହୋଇପଡିଛି । ଫଳରେ ଏଥିପାଇଁ ସେମାନେ ଗୁଗଲ ମିଟ୍ ଉପରେ ନିର୍ଭରଶୀଳ ହୋଇଛନ୍ତି । ଏଥିପାଇଁ ଏହି ସମୟରେ ଅନେକ ଲୋକ ଗୁଗଲ ମିଟ୍ ଦ୍ବାରା ଇନଭାଇଟ୍ ପଠାଇ ଅନଲାଇନ ମିଟିଂ ଆୟୋଜନ କରିଛନ୍ତି । କମ୍ପାନୀ କାମ କରିବା ହେଉ ଅବା ଅନଲାଇନରେ ପାଠପଢା, ମିଟ୍ ଦ୍ବାରା ଲକ୍ଷାଧିକ ଲୋକ ଉପକୃତ ହୋଇଛନ୍ତି ।