ୱାଶିଂଟନ୍: କୋରୋନା ଭାଇରସକୁ ନେଇ ଚୀନ, ଆମେରିକା ମଧ୍ୟରେ ତିକ୍ତତା ବଢିବାରେ ଲାଗିଛି । ଆମେରିକା ରାଷ୍ଟ୍ରପତି ଟ୍ରମ୍ପ ଲଗାତାର ଚୀନ ଉପରେ ସଙ୍ଗୀନ ଆରୋପ ଲଗାଉଛନ୍ତି । ଏହାଭିତରେ ଆମେରିକାର ଅଧିକାରୀମାନେ କହିଛନ୍ତି ଯେ ଚୀନ ସହ ଜଡିତ ହ୍ୟାକର୍ସମାନେ କୋରୋନାଭାଇରସ୍ ଉପରେ ଗବେଷଣା କରୁଥିବା ସଂସ୍ଥାଗୁଡ଼ିକୁ ଟାର୍ଗେଟ କରୁଛନ୍ତି।
ଟୀକା, ଚିକିତ୍ସା ଏବଂ ପରୀକ୍ଷଣ ଉପରେ ଅନୁସନ୍ଧାନ କରୁଥିବା ଆମେରିକୀୟ ଗୋଷ୍ଠୀ ଉପରେ ଚୀନର ଏଜେନ୍ସି ହ୍ୟାକିଂ ଉଦ୍ୟମ କରୁଥିବା ସୂଚନା ଏଫବିଆଇ ପାଖେ ରହିଛି । ଆମେରିକା ଚୀନ୍ ସରକାରଙ୍କୁ ସାଇବର ଗୁଇନ୍ଦା କରୁଥିବା ଅଭିଯୋଗ କରିଆସୁଛି ଏବଂ ବେଜିଂ ଏହାକୁ ସର୍ବଦା ଅସ୍ବୀକାର କରୁଛି।
କୋରୋନାଭାଇରସ୍ ମହାମାରୀକୁ ନେଇ ଉଭୟ ଦେଶରେ ଉତ୍ତେଜନା ବୃଦ୍ଧି ପାଇବାରେ ଲାଗିଛି । କୋଭିଡ -19 ର ବିସ୍ତାର ରୋକିବାରେ ବିଫଳ ହୋଇଥିବା ଦୁଇ ଦେଶ ପରସ୍ପରକୁ ଅଭିଯୋଗ କରିଛନ୍ତି।