ଆର୍ଥିକ ଅନଟନ ପାଇଁ ଆମଦାନୀକାରୀଙ୍କ ପାଉଣା ବନ୍ଦ କଲେ ଟ୍ରମ୍ପ

କୋରୋନା କବଳରେ ଯୁକ୍ତରାଷ୍ଟ୍ର ଆମେରିକା । ଭାଙ୍ଗି ପଡିଛି ଦେଶର ଆର୍ଥିକ ଓ ମାନସିକ ମେରୁଦଣ୍ଡ । ଏମିତିରେ ଦେଶକୁ ଆସିଥିବା ଅନେକ ଜିନିଷ ପାଇଁ ଆମଦାନୀକାରୀଙ୍କ ପାଉଣା ବନ୍ଦ କରିଛି ଦେଶ । ଅଧିକ ପଢ଼ନ୍ତୁ...

ୱାଶିଂଟନ: କୋରୋନା କବଳରେ ଯୁକ୍ତରାଷ୍ଟ୍ର ଆମେରିକା । ଭାଙ୍ଗି ପଡିଛି ଦେଶର ଆର୍ଥିକ ଓ ମାନସିକ ମେରୁଦଣ୍ଡ । ଏମିତିରେ ଦେଶକୁ ଆସିଥିବା ଅନେକ ଜିନିଷ ପାଇଁ ଆମଦାନୀକାରୀଙ୍କ ପାଉଣା ବନ୍ଦ କରିଛି ଦେଶ । ଶନିବାର ଏନେଇ ରାଜକୋଷ ବିଭାଗ ଦ୍ବାରା ପ୍ରସ୍ତୁତ ଏକ କାର୍ଯ୍ୟନିର୍ବାହୀ ଅର୍ଡରରେ ସ୍ବାକ୍ଷର କରିଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ବର୍ତ୍ତମାନ ଦେଶରେ ଆର୍ଥିକ ସ୍ଥିତି ସେତେ ସ୍ବଚ୍ଛଳ ନଥିବାରୁ ଆମଦାନୀକାରୀଙ୍କୁ କିଛି ଦିନ ପାଇଁ ଛାଡ ମାଗିଛନ୍ତି ଟ୍ରମ୍ପ ।

ବର୍ତ୍ତମାନ ସମୟରେ ଅର୍ଥକୁ ଆମଦାନୀକାରୀଙ୍କୁ ନଦେଇ ଦେଶ ମଧ୍ୟରେ ବ୍ୟବହାର କରିବା ପାଇଁ ନିର୍ଦ୍ଦେଶ ଦେଇଛନ୍ତି ଟ୍ରମ୍ପ । ରୋଜକୋଷର ଅର୍ଥକୁ ବର୍ତ୍ତମାନ ରିଲିଫ ଆକାରରେ ଦେଶର ବିଭିନ୍ନ ନିର୍ମାଣକାରୀ ସଂସ୍ଥା ଓ ଆବଶ୍ୟକ କ୍ଷେତ୍ରକୁ ଦିଆଯିବା ପାଇଁ ନିଷ୍ପତ୍ତି ନେଇଛନ୍ତି ଟ୍ରମ୍ପ । ଦେଶରେ କୋରୋନା ନେଇ ଭୟଙ୍କର ବାତାବରଣ ସୃଷ୍ଟି ହୋଇଛି । ତେଣୁ ପରିସ୍ଥିତି ଦେଖି ଅର୍ଥ ବିନିଯୋଗ କରିବାକୁ ହେବ ବୋଲି ଟ୍ରମ୍ପ ମତ ଦେଇଛନ୍ତି ।

ସେପଟେ ଆମଦାନୀକାରୀ ଦେଶ ମଧ୍ୟରୁ କିଛି ଦେଶ ମଧ୍ୟ ଆମେରିକା ପରି ଆର୍ଥିକ ସଙ୍କଟ ଦେଇ ଗତି କରୁଛି । ଏପରି କ୍ଷେତ୍ରରେ ଆବଶ୍ୟକ ଦେଶ ଗୁଡିକୁ 90 ଦିନର ମହଲତ ମାଗିଛନ୍ତି ଟ୍ରମ୍ପ । ସୂଚନା ଅନୁଯାୟୀ ବର୍ତ୍ତମାନ ଦେଶରେ 7,59,467ଜଣ କୋରୋନା ଆକ୍ରାନ୍ତ ଥିବା ବେଳେ 40,677ଜଣଙ୍କର ଏଥିରେ ମୃ୍ତ୍ୟୁ ହୋଇସାରିଛି ।